جموں, 03 جولائی (ہ س)۔

شمالی ریلوے نے مسافروں کی بڑھتی ہوئی تعداد اور آئندہ دنوں میں سفر کے بڑھتے ہوئے دباؤ کو مدنظر رکھتے ہوئے دو اہم ٹرینوں میں عارضی طور پر اضافی تھرڈ اے سی کوچ لگانے کا فیصلہ کیا ہے۔ اس کے علاوہ سیاحوں اور یاتریوں کی سہولت کے لیے بڈگام–شری ماتا ویشنو دیوی کٹرا–بڈگام وسٹا ڈوم اسپیشل ٹرین کی سروس میں بھی 2 نومبر تک توسیع کر دی گئی ہے۔ریلوے حکام کے مطابق ٹرین نمبر 04082 شری ماتا ویشنو دیوی کٹرا–نئی دہلی ایکسپریس میں 14 جولائی سے 16 جولائی تک ایک اضافی تھرڈ اے سی کوچ شامل کیا جائے گا، جس سے زیادہ سے زیادہ یاتریوں اور سیاحوں کو کنفرم نشستیں دستیاب ہوں گی۔

اسی طرح 12426 نئی دہلی–جموں توی راجدھانی ایکسپریس میں بھی 11 جولائی سے 13 جولائی اور 16 جولائی کو ایک اضافی تھرڈ اے سی کوچ لگایا جائے گا۔ ریلوے کے مطابق راجدھانی ایکسپریس میں مسلسل بڑھتی ہوئی ویٹنگ لسٹ کے پیش نظر یہ فیصلہ کیا گیا ہے تاکہ زیادہ مسافر آرام دہ اور محفوظ سفر سے مستفید ہو سکیں۔

دریں اثنا، کشمیر میں سیاحت کو فروغ دینے اور مسافروں کی سہولت کے لیے بڈگام–شری ماتا ویشنو دیوی کٹرا–بڈگام وسٹا ڈوم اسپیشل ٹرین (04687/04688) کی سروس کی مدت بھی 2 نومبر تک بڑھا دی گئی ہے۔ریلوے حکام نے بتایا کہ یہ ٹرین 31 اگست تک بانہال تک چلائی جائے گی، جبکہ یکم ستمبر سے 2 نومبر تک اس کا آپریشن شری ماتا ویشنو دیوی کٹرا تک جاری رہے گا۔

ہندوستھان سماچار

---------------

ہندوستان سماچار / محمد اصغر