نئی دہلی، 3 جولائی (ہ س)۔ بیکری آئٹمز اور مختلف قسم کے اسنیکس بنانے والی کمپنی کریزی اسنیکس کے حصص نے آج اسٹاک مارکیٹ میں زبردست انٹری کرکے اپنے آئی پی او کے سرمایہ کاروں کو خوش کر دیا۔ کمپنی کے حصص آئی پی او کے تحت 42 روپے کی قیمت پر جاری کیے گئے تھے۔ آج، حصص بی ایس ای کے ایس ایم ای پلیٹ فارم پر اس کی لسٹنگ 4.76فیصد کے پریمیم کے ساتھ44 روپے کی سطح پر ہوئی۔

لسٹنگ کے بعدخریداری کی حمایت سے یہ شیئر 46.20 روپے کی اپر سرکٹ لیول تک پہنچ گیا تاہم جلد ہی فروخت شروع ہوجانے کے بعد اس کا اپر سرکٹ ٹوٹ گیا۔ دوپہر 11:30 بجے تک، کمپنی کے حصص 44.55 روپے پر کاروبار کر رہے تھے۔ اس طرح اب تک کے کاروبار میں کمپنی کے آئی پی او سرمایہ کار2.55 روپے فی شیئریعنی 6.07 فیصد کے منافع میں تھے۔

کریزی اسنیکس کا31.47 کروڑ روپے کا آئی پی او 25 اور 30جون کے درمیان سبسکرپشن کے لیے کھلا تھا۔ اس آئی پی او کو سرمایہ کاروں کا اوسط رسپانس حاصل ہوا، جس کے نتیجے میں اسے مجموعی طور پر 1.21 گنا سبسکرائب کیا گیا۔ ان میں سے، اہل ادارہ جاتی خریداروں (کیو آئی بی ) کے لیے مختص حصہ 4.75 بار سبسکرائب کیا گیا۔ اسی طرح، غیر ادارہ جاتی سرمایہ کاروں (این آئی آئی ) کے لیے مختص حصہ کو 1.08 گنا سبسکرائب کیا گیا۔

اس کے علاوہ، خوردہ سرمایہ کاروں کے لیے مختص حصہ 1.26 گنا سبسکرائب کیا گیا۔ اس آئی پی او کے تحت 10روپے کی فیس ویلیو والے 60 لاکھ نئے حصص 25.20 کروڑ روپے کے 15لاکھ شیئر آفر فار سیل ونڈو کے ذریعہ فروخت کئے گئے ہیں۔کمپنی آئی پی او میں نئے حصص کی فروخت سے حاصل ہونے والی آمدنی کو نئی مشینری خریدنے، اپنے قرضوں کے بوجھ کو کم کرنے، ورکنگ کیپیٹل کی ضروریات کو پورا کرنے اور عام کارپوریٹ مقاصد کے لیے استعمال کرے گی۔

کمپنی کی مالی حالت کے بارے میں بات کریں تو کیپٹل مارکیٹ ریگولیٹر سیبی کو پیش کیے گئے ڈرافٹ ریڈ ہیرنگ پراسپیکٹس (ڈی آر ایچ پی) میں کئے گئے دعوے کے مطابق اس کی مالی صحت مسلسل مضبوط ہو ئی ہے۔ مالی سال 2022-23 میں، کمپنی کا خالص منافع 3.54 کروڑ روپے تھا، جو اگلے مالی سال 2023-24 میں بڑھ کر 5.32 کروڑ روپے ہو گیا اور مالی سال 2024-25 میں بڑھ کر 6.33 کروڑ روپے ہو گیا۔ گزشتہ مالی سال 2025-26 میں، اپریل سے 31 دسمبر 2025 تک، کمپنی کو 6 کروڑ روپے کا خالص منافع ہوچکا تھا۔

اس عرصے کے دوران کمپنی کی آمدنی میں معمولی اتار چڑھاو¿ کے باوجود اضافہ ہوا۔ مالی سال 2022-23 میں، اس نے 89.17 کروڑ روپے کی کل آمدنی حاصل کی، جو مالی سال 2023-24 میں بڑھ کر 129.08 کروڑ روپے ہو گئی اور مالی سال 2024-25 میں کم ہو کر 111.63 روپے کروڑ ہو گئی۔ پچھلے مالی سال 2025-26 میں، اپریل سے 31 دسمبر 2025 تک، کمپنی نے 87.56 کروڑ روپے کی آمدنی حاصل ہو چکی تھی۔

اس عرصے کے دوران کمپنی کے قرضوں کے بوجھ میں بھی اتار -چڑھاو¿ آیا۔ مالی سال 2022-23 کے اختتام پر، کمپنی پر 48.01 کروڑ روپے کا قرض تھا، جو مالی سال 2023-24 میں کم ہو کر 45.22 کروڑ روپے ہو گیا اور 2024-25 میں بڑھ کر 63.26 کروڑ روپے ہو گیا۔ پچھلے مالی سال 2025-26 میں، اپریل سے 31 دسمبر 2025 تک، کمپنی کے قرض کا بوجھ بڑھ کر 69.91 کروڑ روپے ہو گیا تھا۔

اس عرصے کے دوران کمپنی کے ذخائر اور سرپلس میں بھی اتار چڑھاو¿ آیا۔ 2022-23 کے مالی سال میں یہ 24.59 کروڑ روپے کی سطح پر تھے، جو 2023-24 میں بڑھ کر 29.41 کروڑ روپے ہو گئے۔ اسی طرح، 2024-25 میں، کمپنی کے ذخائر اور سرپلس 18.75 کروڑروپے تک کم ہو گئے۔ پچھلے مالی سال، 2025-26 میں، اپریل سے 31 دسمبر، 2025 تک یہ 24.75 کروڑ روپے تک پہنچ گئے۔

اسی طرح، کمپنی کی مجموعی مالیت 2022-23 میں 26.43 کروڑ روپے تھی، جو 2023-24 میں بڑھ کر 31.25 کروڑ روپے ہو گئی۔ کمپنی کی مجموعی مالیت 2024-25 میں 36.82 کروڑ تک پہنچ گئی۔ پچھلے مالی سال، 2025-26 میں، اپریل سے 31 دسمبر 2025 تک، یہ 42.82 کروڑ روپے تھی۔

ہندوستھان سماچار

ہندوستان سماچار / محمد شہزاد