ڈی آئی جی نے جموں میں سیکورٹی انتظامات کا جائزہ لیا

جموں، 03 جولائی (ہ س)۔ سالانہ شری امرناتھ یاترا کے پرامن اور محفوظ انعقاد کو یقینی بنانے کے لیے ڈپٹی انسپکٹر جنرل (ڈی آئی جی) پولیس شری دھر پاٹل نے جموں میں یاترا کے سیکورٹی انتظامات، تیاریوں اور مختلف سیکورٹی ایجنسیوں کے درمیان رابطہ کاری کا تفصیلی جائزہ لیا۔

حکام کے مطابق، ڈی آئی جی شری دھر پاٹل نے جمعرات کی شب ڈسٹرکٹ پولیس لائنز جموں میں ایک اعلیٰ سطحی جائزہ اجلاس کی صدارت کی، جس میں یاترا کے دوران تعینات پولیس، سی آر پی ایف اور دیگر سیکورٹی اداروں کی تیاریوں کا جائزہ لیا گیا اور باہمی تال میل کو مزید مؤثر بنانے پر زور دیا گیا۔

اجلاس میں ڈی آئی جی سی آر پی ایف، سینئر سپرنٹنڈنٹ آف پولیس (ایس ایس پی) جموں جوگیندر سنگھ، مرکزی مسلح پولیس فورسز کے افسران، زونل ایس پیز، سیکٹر افسران اور یاترا کی سیکورٹی سے وابستہ دیگر پولیس حکام نے شرکت کی۔

قابل ذکر ہے کہ لیفٹیننٹ گورنر منوج سنہا نے جمعرات کو بھگوتی نگر بیس کیمپ سے شری امرناتھ یاترا کے پہلے قافلے کو روانہ کیا تھا، جبکہ 57 روزہ یاترا جمعہ کی صبح روایتی ننون-پہلگام اور بالتل دونوں راستوں سے باضابطہ طور پر شروع ہوگئی۔ یاترا 28 اگست کو اختتام پذیر ہوگی۔

ہندوستھان سماچار

---------------

ہندوستان سماچار / محمد اصغر