ممبئی، 27 جولائی(ہ س)۔ تمل سپر اسٹار تھلاپتی وجے کی سیاسی ایکشن ڈراما فلم ’جن نایکن‘ باکس آفس پر شاندار کارکردگی کا مظاہرہ کر رہی ہے۔ 23 جولائی کو ریلیز ہونے والی اس فلم نے ابتدائی چار دنوں میں ملکی اور بین الاقوامی مارکیٹ میں زبردست کمائی کرتے ہوئے دنیا بھر میں 217.48 کروڑ روپے کا کاروبار کر لیا ہے۔

اگرچہ فلم کو ناقدین کی جانب سے ملا جلا ردِعمل ملا، تاہم شائقین کی بھرپور حمایت کے باعث فلم مسلسل باکس آفس پر مضبوطی سے آگے بڑھ رہی ہے۔

سیکنلک کے ابتدائی اعداد و شمار کے مطابق فلم نے ریلیز کے چوتھے روز بھارت میں 32 کروڑ روپے کا نیٹ کلیکشن کیا۔ اس میں تمل ورژن سے 27.30 کروڑ روپے، ہندی ورژن سے 3.35 کروڑ روپے اور تیلگو ورژن سے 1.35 کروڑ روپے کی آمدنی شامل ہے۔اس سے قبل فلم نے پہلے دن 42.70 کروڑ روپے، دوسرے دن 21.15 کروڑ روپے اور تیسرے دن 28.90 کروڑ روپے کا کاروبار کیا تھا۔ اس طرح بھارتی باکس آفس پر فلم کی مجموعی نیٹ کمائی 124.75 کروڑ روپے تک پہنچ گئی ہے۔ہدایت کار ایس وینوتھ کی اس فلم میں تھلاپتی وجے کے ساتھ پوجا ہیگڑے مرکزی کردار میں نظر آ رہی ہیں، جبکہ بوبی دیول، ممیتا بائیجو، پرکاش راج اور پریامنی بھی اہم کردار ادا کر رہے ہیں۔فلم کو بیرونِ ملک بھی زبردست پذیرائی حاصل ہوئی ہے۔ چوتھے روز اوورسیز مارکیٹ سے 10 کروڑ روپے کی کمائی کے بعد بیرونِ ملک مجموعی کلیکشن 71.50 کروڑ روپے تک پہنچ گیا، جبکہ فلم کا عالمی باکس آفس کلیکشن 217.48 کروڑ روپے ریکارڈ کیا گیا ہے۔

ہندوستھان سماچار

ہندوستان سماچار / Mohammad Khan