نوئیڈا، 21 جولائی (ہ س)۔ اترپردیش کے گوتم بدھ نگر نوئیڈاکے تھانہ سیکٹر 24 میں پیر کو ایک لڑکی نے رپورٹ درج کرائی ہے ، جس میں اس نے الزام لگایا گیا کہ اس کی سوشل میڈیا کے ذریعے ایک نوجوان سے دوستی ہوئی۔ خاتون کے مطابق وہ نوجوان سے ویڈیو کال پر بات کر رہی تھی۔ اس دوران اس نے اپنے موبائل فون پر اس کی فحش ویڈیو ریکارڈ کر لی۔ اب وہ فیک آئی ڈی بنا کر اسے سوشل میڈیا پر وائرل کر رہا ہے۔

سیکٹر 24 پولیس اسٹیشن کے انچارج انسپکٹر سبودھ کمار نے بتایا کہ ایک لڑکی ، جو اصل میں پریاگ راج ضلع کی رہنے والی ہے، نے آج صبح پولیس اسٹیشن میں رپورٹ درج کرائی ہے۔ وہ نوئیڈا کے سیکٹر 22 میں رہتی ہے۔ متاثرہ کے مطابق، اس نے پنکج راجپوت سے 2025 میں سوشل میڈیا کے ذریعے دوستی کی تھی۔ دونوں نے ایک دوسرے کو اپنا نمبر دیا۔ دونوں کے درمیان باتیں ہونے لگیں اور قربتیں بڑھنے لگیں۔ ایک دن وہ پنکج کے ساتھ ویڈیو کال پر رومانوی گفتگو کر رہی تھی۔ ان کے اعتماد کو توڑتے ہوئے اس نے اس کی فحش ویڈیو بنائی۔

متاثرہ نے الزام عائد یا کہ اس نے اس کی فحش ویڈیو سوشل میڈیا پر وائرل کرنے کی دھمکی دینے لگا۔ اس کے مطابق ملزم نے اس کے نام سے فیک انسٹاگرام آئی ڈی بنائی اور اس کی فحش ویڈیو وائرل کر دی ہے۔ تھانہ انچارج نے بتایا کہ پولیس نے رپورٹ درج کر لی ہے اور معاملے کی تحقیقات کر رہی ہے۔

ہندوستھان سماچار

ہندوستان سماچار / محمد شہزاد