پروجیکٹ کے لیے حاصل کی جانے والی زمین کا چار گنا معاوضے کا مطالبہ

اندور، 20 جولائی (ہ س)۔ مدھیہ پردیش کے اندور ضلع کے شپرا چوراہے پر سوموار کو بھوپال کی طرف مارچ کرنے والے کسانوں کو پولس نے روک دیا۔مظاہرین مغربی رنگ روڈ پروجیکٹ کے لیے حاصل کی جانے والی زمین کا چار گنا معاوضہ دینے کا مطالبہ کر رہے تھے۔ پولیس نے کسانوں کو آگے بڑھنے سے روکنے کے لیے پانی کی بوچھار اور آنسو گیس کا استعمال کیا جس سے سات کسان زخمی ہو گئے۔ احتجاج میں کسان برلائی جاگیر میں غیر معینہ مدت کے لئے دھرناپربیٹھ گئے ہیں۔

درحقیقت، کرنی سینا خاندان اور مقامی کسانوں نے اندور-دیواس مغربی رنگ روڈ کے لیے حاصل کی جانے والی زرعی زمین کے لیے منصفانہ معاوضے کا مطالبہ کرتے ہوئے، بھوپال تک مارچ کرنے کے لیے پیر کے روز ایک زبردست ٹریکٹر ریلی نکالی تھی۔ جب سینکڑوں کسان اپنے ٹریکٹروں کے ساتھ آگے بڑھے تو پولیس اور انتظامیہ نے انہیں ڈمپ ٹرکوں اور بھاری رکاوٹوں کا استعمال کرتے ہوئے شپرا چوراہے پر روک دیا۔ کسانوں اور پولس کے درمیان گرما گرمبحثاور کشیدگی پیدا ہو گئی۔ مظاہرین کو منتشر کرنے اور انہیں آگے بڑھنے سے روکنے کے لیے پولیس نے پانی کی بوچھاروں کا استعمال کیا اور آنسو گیس کے گولے داغے۔ اس اچانک کارروائی سے بھگدڑ مچ گئی، جس سے تقریباً سات کسان زخمی ہوگئے۔

کرنی سینا پریوار کے اندور ضلع صدر رشی راج سنگھ سسودیا اور احتجاج کرنے والے کسانوں نے الزام لگایا کہ وہ پچھلے تین سالوں سے انتظامیہ کے ساتھ پرامن طور پر جڑے ہوئے ہیں اور 50 سے زیادہ میمورنڈم پیش کر چکے ہیں، لیکن ان کے مطالبات پر کوئی توجہ نہیں دی گئی ہے۔ سسودیا کے مطابق، گریٹر رنگ روڈ پروجیکٹ 39 گاو¿ں میں تقریباً 4,442 ہیکٹر اراضی کو متاثر کر رہا ہے، جس سے 991 کسانوں کو براہ راست بے گھر اور بے زمین بنا دیا گیا ہے۔ متاثرہ علاقے میں زمین کی موجودہ مارکیٹ ویلیو 1 کروڑ سے 3.5 کروڑ فی ایکڑ کے درمیان ہے، جبکہ انتظامیہ صرف 18 لاکھ سے 42 لاکھ فی ایکڑ کے معاوضے کی پیشکش کر کے انہیں دھوکہ دے رہی ہے۔ کسانوں نے الزام لگایا کہ کچھ کسانوں کے خلاف جھوٹے مقدمات درج کرائے گئے ہیں اور ان کی زمینوں کی زبردستی رجسٹریشن کے لیے انتظامی دباو¿ کا استعمال کیا گیا ہے۔

کسان رام مکوانا اور رویندر کنوجیا نے بتایا کہ آنسو گیس کے گولے اور پولیس کے طاقت کے استعمال سے کئی کسانوں کی ٹانگیں اور کندھے زخمی ہوئے اور انہیں فوری طور پر قریبی اسپتال لے جانا پڑا۔ کسانوں نے کہا کہ وہ اجین میں 2028 سمہستھا اور اندور-دیواس رنگ روڈ جیسے ترقیاتی منصوبوں کے مخالف نہیں ہیں، لیکن ان کی زرخیز اور سیراب زمینوں کی مناسب قیمت وصول کرنا ان کا جمہوری حق ہے۔ اس دوران ناراض کسانوں نے اب برلائی جاگیر میں دھرنا دیدیا ہے۔ انہوں نے اعلان کیا کہ جب تک ان کے مطالبات پورے نہیں ہوتے ان کا احتجاج جاری رہے گا۔

ہندوستھان سماچار

---------------

ہندوستان سماچار / عبدالسلام صدیقی