ریاض،20جولائی(ہ س)۔سعودی وزیرِ خارجہ شہزادہ فیصل بن فرحان کو خطے کے اپنے ہم منصبوں کی جانب سے ٹیلی فون کالز موصول ہوئیں، جن میں قطر کے وزیراعظم اور وزیرِ خارجہ شیخ محمد بن عبدالرحمن، اردن کے نائب وزیراعظم، وزیرِ خارجہ و سمندر پار اردنیوں کے امور کے وزیر ایمن الصفدی اور مصر کے وزیرِ خارجہ، بین الاقوامی تعاون و بیرونِ ملک مقیم مصریوں کے امور کے وزیر ڈاکٹر بدر عبدالعاطی شامل تھے۔ان ٹیلی فونک رابطوں کے دوران خطے کی تازہ ترین صورتحال پر تبادلہ خیال کیا گیا، جبکہ باہمی رابطوں اور مشاورت کو مزید مضبوط بنانے کے طریقوں پر بھی گفتگو ہوئی۔ وزرائے خارجہ نے کشیدگی پر قابو پانے، درپیش چیلنجز سے نمٹنے اور سفارتی کوششوں کی حمایت پر زور دیا تاکہ مشترکہ مفادات کا تحفظ ہو اور خطے میں امن و استحکام کو مزید فروغ مل سکے۔ہندوستھان سماچار

ہندوستان سماچار / Mohammad Khan