بی جے پی صرف ایک سیاسی پارٹی نہیں بلکہ ملک کی تعمیر کے عزم کے ساتھ کام کرنے والی بہت بڑی تنظیم ہے : پرمود چندراونشیپٹنہ، 20 جولائی (ہ س)۔ جن سوراج کے سمستی پور اسمبلی حلقہ کے سابق امیدوار ڈاکٹر منوج کمار سنگھ اپنے حامیوں کے ساتھ پیر کے روزبہار بی جے پی کے ریاستی دفتر میں منعقدہ میٹنگ میں بھارتیہ جنتا پارٹی میں شامل ہو گئے۔ حکومت بہار کے وزیر اور بی جے پی کے سینئر لیڈر پرمود چندراونشی نے تمام نئے آنے والے لیڈروں اور کارکنوں کو بی جے پی کی رکنیت دے کر پارٹی میں خوش آمدید کہا۔ بی جے پی کی رکنیت لینے والوں میں جن سوراج کے سمستی پور اسمبلی حلقہ کے سابق امیدوار ڈاکٹر منوج کمار سنگھ (ایم بی بی ایس، ایم ڈی، شری رام چندر اسپتال، آدرش نگر، سمستی پور)، امت کمار، سروجیت کمار، آدتیہ آنند کے علاوہ بڑی تعداد میں سماجی کارکنان اور حامی بی جے پی میں شامل ہوئے۔اس موقع پر وزیر پرمود چندراونشی نے تمام نئے اراکین کا خیر مقدم کرتے ہوئے کہا کہ وزیر اعظم نریندر مودی کی قیادت میں ملک ترقی، اچھی طرز حکمرانی اور غریبوں کی فلاح و بہبود کی سمت میں نئی بلندیوں کو چھو رہا ہے۔ مرکز اور بہار کی این ڈی اے حکومت کی عوامی بہبود کی اسکیموں سے متاثر ہو کر مختلف سیاسی پارٹیوں کے لیڈر اور کارکن مسلسل بی جے پی میں شامل ہو رہے ہیں۔ انہوں نے کہا کہ بی جے پی آج دنیا کی سب سے بڑی سیاسی پارٹی ہے اور اس کا نظریہ سماج کے ہر طبقے تک پہنچ رہا ہے۔ انہوں نے کہا کہ ڈاکٹر منوج کمار سنگھ جیسی تعلیم یافتہ، باوقار اور سماجی فکر رکھنے والی شخصیت کا بی جے پی میں آنے سے تنظیم کو نئی توانائی ملے گی ۔ ان سے وابستہ سینکڑوں کارکن سمستی پور سمیت پورے بہار میں بی جے پی کی تنظیم کو مزید مضبوط کریں گے اور پارٹی کے نظریہ کو لوگوں تک پہنچانے میں اہم رول ادا کریں گے۔پرمود چندراونشی نے کہا کہ بی جے پی صرف ایک سیاسی پارٹی نہیں ہے بلکہ بہت بڑی تنظیم ہے جو ملک کی تعمیر کے عزم کے ساتھ کام کر رہی ہے۔ خدمت، اچھی طرز حکمرانی، انتیودیہ اور ترقی بی جے پی کی بنیادی شناخت ہیں۔ انہوں نے یقین ظاہر کیا کہ نئے دوستوں کے شامل ہونے سے تنظیم کی طاقت میں مزید اضافہ ہوگا اور بہار میں بی جے پی کی حمایت کی بنیاد وسیع ہوگی۔ تقریب میں بی جے پی کے ریاستی جنرل سکریٹری دھن راج شرما، ریاستی نائب صدر پرنئے یادو، ریاستی میڈیا انچارج دانش اقبال، ریاستی کو-میڈیا انچارج امیت پرکاش ببلو، سمستی پور ضلع صدر نیلم سہنی، دفتر کے سکریٹری ونے کیسری اور پارٹی کے سینئر عہدیدار اور کارکنان موجود تھے۔ہندوستھان سماچار

ہندوستان سماچار / Mohammad Afzal Hassan