چترا، 20 جولائی (ہ س): پولیس نے کالعدم عسکری تنظیم تریتیہ سمیلن پرستوتی کمیٹی (ٹی ایس پی سی) کے مطلوب عسکریت پسند نریش گنجھو عرف روی کانت کو گرفتار کر لیا ہے۔ اسے لاوالونگ تھانہ علاقے کے مندھنیا گاؤں کے قریب جنگل سے گرفتار کیا گیا۔ ملزم قتل، رنگداری، پولیس پر حملہ، غیر قانونی اسلحہ رکھنے سمیت کئی سنگین مقدمات میں طویل عرصے سے مفرور تھا۔

پیر کے روز پریس کانفرنس میں سمریا کے ایس ڈی پی او ناگرگوجے شبھم بھاؤ صاحب نے بتایا کہ خفیہ اطلاع ملی تھی کہ روی کانت اپنے آبائی گاؤں لاوالونگ کے مندھنیا آیا ہوا ہے۔ اطلاع کی بنیاد پر خصوصی انسدادِ نکسل مہم چلائی گئی، جس کے دوران پولیس ٹیم نے علاقے کا محاصرہ کرکے اسے گرفتار کر لیا۔ روی کانت کے خلاف چترا اور لاتیہار اضلاع کے مختلف تھانوں میں مجموعی طور پر چھ مجرمانہ مقدمات درج ہیں۔ ان میں بالوماتھ تھانہ میں دو، لاوالونگ تھانہ میں دو، کندا تھانہ میں ایک اور سمریا تھانہ میں ایک مقدمہ شامل ہے۔ اس کے خلاف اقدامِ قتل، رنگداری، پولیس فورس پر حملہ، اغوا، آرمس ایکٹ، سی ایل اے ایکٹ اور یو اے پی اے کی مختلف دفعات کے تحت مقدمات درج ہیں۔

ایس ڈی پی او شبھم بھاؤ صاحب نے کہا کہ ضلع میں عسکریت پسندانہ سرگرمیوں پر مؤثر کنٹرول کے لیے انسدادِ نکسل مہم مسلسل جاری رہے گی۔ مطلوب عسکریت پسندوں کی گرفتاری اور علاقے میں امن و امان برقرار رکھنا چترا پولیس کی اولین ترجیح ہے۔ اس مہم میں لاوالونگ تھانہ پولیس، ایس ایس بی کی 35ویں بٹالین اور مسلح فورس کے اہلکار شامل تھے۔

ہندوستھان سماچار

---------------

ہندوستان سماچار / عبدالواحد