مگرمچھ کے حملے میں کسان کی دردناک موتمغربی چمپارن (بگھا)، 20 جولائی (ہ س)۔ بگھا۔ 2 بلاک کے نورنگیہ تھانہ علاقے کے تحت بھولٹولا سریسیا گاؤں میں اتوار کی شام مگرمچھ کے حملے میں ایک کسان کی دردناک موت ہوگئی۔ واقعہ سے پورے علاقے میں خوف و ہراس کا ماحول ہے۔ متوفی کی شناخت 45 سالہ کیدار بیٹھا ساکن بھولٹولا سریسیا گاؤں کا رہنے والا ہے۔

معلومات کے مطابق کیدار بیٹھا اپنے ساتھیوں کے ساتھ کھیتوں میں گھاس کاٹ کر گھر واپس آرہا تھا۔ بیلہاوا-سریسیا کچی سڑک کے قریب بھاپسا نالے کو عبور کرنے کے دوران پانی میں چھپے ایک مگرمچھ نے اچانک اس پر حملہ کت دیا اور اسے کھینچ کر پانی کے نیچے لے گیا۔ واقعہ کے وقت اس کے ساتھ موجود کمل اوراوں، ناتھونی اوراوں اور دیگر گاؤں والوں نے شور مچایا اور اسے بچانے کی پوری کوشش کی۔ لوگوں نے مگر مچھ کو بھگانے کی کوشش کی لیکن اس نے کیدار بیٹھا کو جانے نہیں دیا۔ کسان کی موقع پر ہی موت ہو گئی۔واقعہ کی اطلاع ملتے ہی گاؤں والوں کی بڑی تعداد جائے وقوعہ پر پہنچ گئی۔ اس المناک حادثے کے بعد گاؤں اور گردونواح میں خوف و دہشت ہے۔ گاؤں والو ں نے محکمہ جنگلات اور انتظامیہ سے مگرمچھ کو پکڑ کر محفوظ مقام پر منتقل کرنے اور علاقے میں مستقل حفاظتی انتظامات کرنے کا مطالبہ کیا ہے تاکہ آئندہ اس طرح کے واقعات سے بچا جا سکے۔ہندوستھان سماچار

ہندوستان سماچار / Mohammad Afzal Hassan