بھاگلپور میں ملا کورونا کا مریض، مایا گنج اسپتال کے آئی سی یو میں زیرعلاجبھاگلپور، 20 جولائی (ہ س)۔ ضلع کے ایک پرائیویٹ اسپتال میں زیر علاج ایک بزرگ مریض کی آر ٹی پی سی آر جانچ رپورٹ کووڈ مثبت آنے کے بعد انہیں فوری طور پر جواہر لال نہرو میڈیکل کالج اینڈ اسپتال یا مایا گنج اسپتال کے آئی سی یو میں داخل کرایا گیا۔ اسپتال انتظامیہ مریض کا کووڈ پروٹوکول کے مطابق علاج کر رہی ہے۔ اگرچہ محکمہ صحت کا کہنا ہے کہ گھبرانے کی ضرورت نہیں ہے، لیکن محتاط رہنا بہت ضروری ہے۔ بزرگ مریض گزشتہ سات دنوں سے مسلسل کھانسی، زکام اور تیز بخار میں مبتلا تھا۔ ان کا ابتدائی طور پر شہر کے ایک پرائیویٹ کلینک میں علاج کیا گیا۔ جب اس کی صحت بہتر نہیں ہوئی تو ڈاکٹروں کوکووڈ۔19 کا شبہ ہوا اور آر ٹی ۔پی سی آر ٹیسٹ کروایا گیا۔ نجی لیب کی رپورٹ میں مریض کے کووڈ پازیٹو ہونے کی تصدیق ہوئی ہے۔ اس کے بعد انہیں مزید علاج کے لیے فوری طور پر مایا گنج اسپتال ریفر کیا گیا، جہاں انہیں آئی سی یو میں داخل کر کے علاج شروع کر دیا گیا ہے۔ میڈیسن کے شعبہ کے سربراہ ڈاکٹر راج کمل چودھری نے بتایا کہ نجی لیب میں مریض کی کووڈ ۔19 رپورٹ مثبت آئی ہے۔ سرکاری سطح پر انفیکشن کی تصدیق کے لیے آر ٹی ۔ پی سی آر ٹیسٹ بھی کرائے جائیں گے۔ انہوں نے واضح کیا کہ موجودہ صورتحال مکمل طور پر قابو میں ہے اور گھبرانے کی ضرورت نہیں ہے۔اسپتال میں تمام ضروری انتظامات موجود ہیں، اور ماہر ڈاکٹروں کی نگرانی میں مریض کا علاج کیا جا رہا ہے۔مریض کے اہل خانہ نے بتایا کہ اس بزرگ مریض کو گذشتہ ایک ہفتے سے مسلسل کھانسی، زکام اور بخار کی شکایت تھی۔ ان کا ابتدائی طور پر ایک پرائیویٹ اسپتال میں علاج کیا گیا، لیکن جب کووڈ انفیکشن کی تصدیق ہوئی تو ڈاکٹروں نے انہیں مایا گنج اسپتال منتقل کردیا۔ ڈاکٹر فی الحال ان کی حالت پر نظر رکھے ہوئے ہیں۔ماہرین صحت نے عوام سے اپیل کی ہے کہ بدلتے موسم میں اگر انہیں مسلسل بخار، کھانسی، زکام یا سانس لینے میں دشواری کا سامنا ہو تو غفلت نہ برتیں۔ فوری طور پر ڈاکٹر سے رابطہ کریں اور اگر ضروری ہو تو کووڈ ۔19 کا ٹیسٹ کروائیں۔ اس کے علاوہ بھیڑ والی جگہوں پر احتیاط برتیں، ہاتھ کی صفائی کو برقرار رکھیں اور انفیکشن کی علامات ظاہر ہونے پر ماسک کا استعمال کریں۔ محکمہ صحت فی الحال پورے معاملے کی نگرانی کر رہا ہے۔ سرکاری ٹیسٹ کی رپورٹ آنے کے بعد مزید بہتر علاج کی جائے گی۔ہندوستھان سماچار

ہندوستان سماچار / Mohammad Afzal Hassan