اے ایم یو کے 8 پوسٹ گریجویٹ طلبہ کا ٹیلنٹ ریکروٹ سافٹ ویئر پرائیویٹ لمیٹڈ اور فزکس والا میں پلیسمنٹ
علی گڑھ، 20 جولائی (ہ س)۔ علی گڑھ مسلم یونیورسٹی کے آٹھ پوسٹ گریجویٹ طلبہ نے یونیورسٹی کے ٹریننگ اینڈ پلیسمنٹ آفس (جنرل) کے زیر اہتمام منعقدہ پلیسمنٹ مہم کے توسط سے بنگلورو کی ٹیلنٹ ریکروٹ سافٹ ویئر پرائیویٹ لمیٹڈ اور فزکس والا میں کیمپس پلیسمنٹ حاصل کیا ہے۔
ٹریننگ اینڈ پلیسمنٹ آفیسر (جنرل) سعد حمید نے بتایا کہ مصنوعی ذہانت پر مبنی بھرتی اور آن بورڈنگ حل فراہم کرنے والی عالمی سطح کی کمپنی ٹیلنٹ ریکروٹ سافٹ ویئر پرائیویٹ لمیٹیڈ میں منتخب ہونے والے طلبہ میں اقرا توصیف (ایم اے نفسیات)، مفیدہ خالق (ایم اے عمرانیات)، ونشیکا اگروال (ایم بی اے)، حرا انیس (ایم بی اے ، ایگری بزنس)، فاطمہ کامل (ایم ایس سی زولوجی) اور سارہ فاطمہ (ایم بی اے) شامل ہیں، جب کہ ملک کی معروف تعلیمی ٹکنالوجی کمپنیوں میں سے ایک فزکس والا میں ملازمت حاصل کرنے والے طلبہ میں محمد سَرورِ اعظم (ایم ایس سی زولوجی) اور اقدس خان (ایم ایس سی کیمسٹری) شامل ہیں۔
ہندوستھان سماچار
---------------
ہندوستان سماچار / سید کامران علی گڑھ
20 Jul 2026