نئی دہلی، 2 جولائی (ہ س)۔ دہلی پولیس کے اسپیشل سیل نے دہلی اور پنجاب میں چھاپے مار کر چار مبینہ دہشت گردوں کو گرفتار کیا ہے۔ ان کے قبضے سے ایک زیگانا سمیت دو پستول نو راو¿نڈ کارتوس اور پانچ موبائل فون برآمد ہوئے ہیں ۔ ان میں سے تین کو پنجاب اور ایک کو دہلی سے گرفتار کیا گیا۔ وہ دہلی این سی آر میں بڑے دہشت گردانہ حملے کی منصوبہ بندی کر رہے تھے۔

اسپیشل سیل کے ڈپٹی کمشنر آف پولیس پروین کمار ترپاٹھی نے جمعرات کو میڈیا اہلکاروں کو بتایا کہ گرفتار دہشت گردوں کی شناخت شبھ دیپ سنگھ عرف وشال (23)، گرجنت سنگھ عرف رشی (22)، ساجن سنگھ عرف ہنی (28) اور گرن پریت (24) کے طور پر کی گئی ہے۔

تمام گرفتار دہشت گرد پنجاب کے رہائشی ہیں اور آئی ایس آئی کے ہینڈلر شہزاد بھٹی سے براہ راست رابطے میں تھے۔ پولیس نے گگن پریت کے موبائل فون سے کئی مذہبی مقامات، تھانوں اور دیگر پولیس عمارتوں کی ویڈیو برآمد کی ہیں۔ دہلی میں مقیم گگن پریت مسلسل ریکی کی ویڈیوز بنا کر اپنے ہینڈلرز کو بھیج رہا تھا۔ شبھ دیپ اور گرجنت حقیقی بھائی ہیں۔

ترپاٹھی نے بتایا کہ ان کی ٹیم کو اطلاع ملی کہ پاکستان میں مقیم آئی ایس آئی ہینڈلر شہزاد بھٹی اپنے ساتھیوں کے ساتھ دہلی-این سی آر میں ایک بڑے دہشت گردانہ حملے کی منصوبہ بندی کر رہا ہے۔ سوشل میڈیا کے ذریعے پنجاب کے کچھ نوجوانوں کو لالچ دے کر بھرتی کیا جا رہا تھا۔ اس دوران ٹیم نے شبھ دیپ سنگھ عرف وشال کو تلاش کیا۔ ایک ٹیم کو فوری طور پر امرتسر روانہ کیا گیا۔ ٹیم نے شبھ دیپ کو مجیٹھا روڈ، امرتسر سے گرفتار کیا۔ شبھ دیپ کے پاس سے 30 بور کا ایک پستول، پانچ کارتوس اور دو موبائل فون برآمد ہوئے ہیں۔

پوچھ گچھ کے دوران شبھ دیپ نے انکشاف کیا کہ وہ شہزاد بھٹی کے ذریعے پاکستانی ہینڈلرز سے رابطے میں تھا اور ڈرون کے ذریعے اسلحہ اور منشیات حاصل کر رہا تھا۔ شبھ دیپ سے پوچھ گچھ کے بعد، ٹیم نے پنجاب سے گرجنت سنگھ عرف رشی اور ساجن سنگھ عرف ہنی کو گرفتار کیا۔ ان کے قبضے سے ایک زیگانا پستول، چار راؤنڈ گولہ بارود اور دو موبائل فون برآمد ہوئے۔

پوچھ گچھ کے دوران دہلی میں ایک اور ساتھی گگن پریت سمیت تینوں افراد سامنے آئے۔ ٹیم نے دہلی میں چھاپہ مار کر گگن پریت کو گرفتار کر لیا۔ ان کے پاس سے ایک موبائل فون برآمد ہوا ہے۔ گگن پریت کے موبائل فون سے کئی ویڈیوز اور دیگر معلومات برآمد ہوئی ہیں۔ پولیس چاروں سے پوچھ گچھ جاری رکھے ہوئے ہے۔

ہندوستھان سماچار

ہندوستان سماچار / محمد شہزاد