کشن گنج، 19 جولائی (ہ س)۔ شہر واقع بندوبست دفترمیں ہفتہ کی رات نامعلوم چوروں نے ہفتہ کی رات بڑی چوری کی واردات کو انجام دیا ۔چور مرکزی دروازے اور مختلف کمروں میں داخل ہو کر ایک ٹی وی، انورٹر، بیٹری، روم ہیٹر، اے سی کاپر پائپ، سٹینڈ پنکھا سمیت دیگر کئی سرکاری سامان چوری کر کے فرار ہو گئے۔ واقعہ اتوار کی صبح اس وقت سامنے آیا جب دفتر کے ملازمین ڈیوٹی کے لیے پہنچے۔ انہوں نے مرکزی دروازہ کھلا اور تالا ٹوٹا ہوا پایا اور حکام کو اطلاع دی۔جانچ کے دوران معلوم ہوا کہ آئی آئی سی کے کمرے اور بندوبست افسرکے چیمبر کے تالے بھی ٹوٹے ہوئے ہیں۔ کمروں کی تلاشی لینے پر کئی سرکاری سامان غائب ہونے کا انکشاف ہوا جس سے دفتر میں کہرام مچ گیا۔ واقعہ کی اطلاع ملنے پر دفتر انچارج چیف اسسٹنٹ ارون کمار پاسوان نے صدر تھانہ میں تحریری شکایت درج کرائی۔ شکایت کی بنیاد پر پولیس نے ایف آئی آر درج کرکے معاملے کی جانچ شروع کردی ہے۔ پولیس نے جائے وقوعہ کا معائنہ کیا ہے اور قریبی سی سی ٹی وی کیمروں سے فوٹیج کا جائزہ لینا شروع کر دیا ہے۔ وہ چوروں کے بارے میں معلومات اکٹھا کرنے کے لیے مقامی باشندوں سے بھی پوچھ گچھ کر رہے ہیں۔ابتدائی تحقیقات سے پتہ چلاہے کہ چوروں نے ایک منصوبہ بند اسکیم کے تحت سرکاری دفتر کو نشانہ بنایا اور قیمتی سامان لے کر فرار ہوگئے۔ سرکاری دفتر میں ہونے والی اس چوری سے ملازمین میں تشویش پائی جاتی ہے۔ لوگوں کا کہنا ہے کہ سرکاری دفاتر میں سیکورٹی کو مضبوط کرنے کی ضرورت ہے۔اتوار کے روز صدر تھانہ انچارج مکیش کمار نے بتایا کہ اس معاملے میں ایف آئی آر درج کی گئی ہے۔ پولیس تمام پہلوؤں سے تفتیش کر رہی ہے۔ تکنیکی شواہد اور سی سی ٹی وی فوٹیج کی بنیاد پر ملزمین کی شناخت کرکے جلد گرفتار کرنے کی کوششیں جاری ہیں۔

ہندوستھان سماچار

ہندوستان سماچار / Mohammad Afzal Hassan