نئی دہلی، 16 جولائی (ہ س): ترنمول کانگریس کی راجیہ سبھا رکن رکمنی کوئل ملک نے اپنی راجیہ سبھا کی رکنیت سے استعفیٰ دے دیا ہے۔ ذرائع کے مطابق ملک نے اپنا استعفیٰ راجیہ سبھا کے چیئرمین سی پی رادھا کرشنن کو سونپ دیا ہے۔

ٹی ایم سی نے گزشتہ اپریل میں ہی ملک کو راجیہ سبھا کے لیے نامزد کیا تھا۔ ان کا استعفیٰ ایسے وقت میں آیا ہے جب صرف ایک دن قبل ترنمول کانگریس کے ایم ایل اے اور ممتا بنرجی کے قریبی ساتھی مدن مترا نے رتبرت بنرجی کی قیادت میں ترنمول کانگریس کے باغی خیمے میں شمولیت اختیار کی تھی۔

کوئل ملک کے استعفیٰ کے بعد راجیہ سبھا میں ترنمول کانگریس کے ارکان کی تعداد کم ہو کر 9 رہ گئی ہے۔

قابل ذکر ہے کہ اس سے قبل سکھیندو شیکھر رائے، سشمیتا دیو، اور پرکاش چک برائیک نے اپنی راجیہ سبھا کی رکنیت اور ترنمول کانگریس سے استعفیٰ دے کر بھارتیہ جنتا پارٹی (بی جے پی) میں شمولیت اختیار کی تھی۔ اس کے بعد تینوں نے راجیہ سبھا کے ضمنی انتخابات کے لیے پرچہ نامزدگی بھی داخل کیا۔

ہندوستھان سماچار

---------------

ہندوستان سماچار / عبدالواحد