نئی دہلی، 16 جولائی (ہ س): سپریم کورٹ نے سنٹرل بورڈ آف سیکنڈری ایجوکیشن (سی بی ایس ای) کی تین زبانوں کی پالیسی ( سہ لسانی پالیسی ) پر تشویش کا اظہار کرتے ہوئے کہا ہے کہ اگر تیسری زبان کو متعارف کرانا ہے تو اسے چھٹی جماعت سے کیا جانا چاہئے اور 9 ویں کلاس تک ختم کردینا چاہئے۔ جسٹس بی وی ناگ رتنا کی قیادت والی بنچ نے مشاہدہ کیا کہ 9 ویں کلاس میں تیسری زبان متعارف کرانے سے طلبہ پر بلا وجہ دباؤ میں اضافہ ہوگا۔

سپریم کورٹ تمل ناڈو حکومت کی طرف سے دائر درخواست کی سماعت کر رہی تھی جس میں مدراس ہائی کورٹ کے اس فیصلے کو چیلنج کیا گیا تھا جس میں ریاستی حکومت کو ہر ضلع میں نوودیا ودیالیہ قائم کرنے کی ہدایت کی گئی تھی۔ سی بی ایس ای اسکولوں سے متعلق مسئلہ سماعت کے دوران پیدا ہوا، جس سے عدالت نے ان مشاہدات کا اشارہ کیا۔ جسٹس ناگ رتنا کے سوال کا جواب دیتے ہوئے ایک وکیل نے کہا کہ سی بی ایس ای اسکولوں میں 9 ویں کلاس سے شروع ہونے والی تیسری زبان کو لازمی قرار دیا گیا ہے۔

جسٹس ناگ رتنا نے ریمارکس دیے کہ اعلیٰ کلاس میں نئی ​​زبان پڑھنا طلبہ کے لیے کافی مشکل ہوسکتا ہے اور اس سے تناؤ پیدا ہوسکتا ہے۔ سپریم کورٹ کا یہ مشاہدہ خاص طور پر اس لیے اہم ہے کہ سی بی ایس ای کی سہ لسانی پالیسی کو چیلنج کرنے والی کئی درخواستیں عدالت میں دائر کی گئی ہیں۔

ہندوستھان سماچار

---------------

ہندوستان سماچار / عبدالواحد