احمد آباد، 16 جولائی (ہ س)۔ مرکزی وزیر داخلہ امت شاہ نے جمعرات کوآشاڑھی بیج کے موقع پرمنعقد بھگوان جگن ناتھ کی 149ویں رتھ یاترا سے قبل احمد آباد میں واقع مشہور جگناتھ مندر میں اپنے اہل خانہ سمیت منگل آرتی میں حصہ لیا اور عقیدت کے ساتھ بھگوان جگناتھ، بہن سبھدرا اور بھائی بلبھدر کے درشن پوجن کئے۔ اس موقع پر گجرات کے ریاستی وزیر وزیر ہرش سنگھوی بھی موجود رہے۔

ملک بھر میں لاکھوں لوگوں کو بھگوان جگن ناتھ سے گہری عقیدت ہے۔روایت کے مطابق، ہر سال آشاڑھی بیج کے مبارک موقع پر، بھگوان جگن ناتھ، ان کی بہن سبھدرااور بھائی بلبھدر اپنے عقیدت مندوں کو درشن دینے کے لیے شہر کے دورے پر نکلتے ہیں۔

رتھ یاترا کے آغاز سے قبل امت شاہ نے اپنے خاندان کے ساتھ مندر میں پوجا کی اور ملک اور ریاست کی خوشی، خوشحالی اور فلاح و بہبود کے لیے دعا کی۔

اس موقع پر جگناتھ مندر کے مہنت دلیپ داس جی، سنتوں اور مہنتوں کے ساتھ ساتھ عقیدت مندوں کی بڑی تعداد موجود تھی۔ احمد آباد کی جگن ناتھ رتھ یاترا نہ صرف شہر بلکہ پوری ریاست گجرات کے لیے عقیدے اور ثقافتی ورثے کی ایک اہم علامت سمجھی جاتی ہے۔

آشاڑھی بیج کیا ہے؟

آشاڑھی بیج بنیادی طور پر ریاست گجرات کے کچھ علاقے کا نیا سال ہے۔ یہ ہندو کیلنڈر کے مطابق ماہ آشاڑھ مہینے کے شکل پکش کے دوسرے دن منایا جاتا ہے۔ یہ تہوار مانسون کی آمد (برسات کے موسم) اور کسانوں کے لیے بوائی کے موسم کی نشاندہی کرتا ہے، جہاں اچھی بارش اور فصلوں کے لیے دعائیں کی جاتی ہیں۔

یہ دن کچھی برادری کے لیے نئے سال (کچھی نوارو) کا آغاز ہے۔ کسان اس دن نمی یا ہوا کی سمت کا مشاہدہ کرکے یہ اندازہ لگاتے ہیں کہ آنے والے مہینوں میں بارش کیسی ہوگی۔ اس دن، لوگ روایتی کھانا تیار کرتے ہیں، رقص کرتے ہیں اور اپنے خاندان اور پیاروں کو نئے سال کی مبارکباد دیتے ہیں۔

ہندوستھان سماچار

ہندوستان سماچار / محمد شہزاد