نئی دہلی، 10 جولائی (ہ س)۔ نائب صدر جمہوریہ سی پی رادھا کرشنن نے کہا ہے کہ وندے ماترم نے مادر وطن سے محبت کو ایک قومی فریضہ میں بدل دیا اور آزادی کی جدوجہد کے دوران بے شمار مجاہدین آزادی کو جرا¿ت، قربانی اور امید کے ساتھترغیب دی۔ انہوں نے کہا کہ سردار ولبھ بھائی پٹیل نے نہ صرف شاہی ریاستوں بلکہ ہم وطنوں کے دلوں کو بھی متحد کیا اور ایک ملک، ایک آئین اور مشترکہ قومی مستقبل کی مضبوط بنیاد رکھی۔

نائب صدر جمہوریہ جمعہ کو انڈین انسٹی ٹیوٹ آف ایڈوانسڈ اسٹڈی (آئی آئی اے ایس) کے زیر اہتمام’وندے ماترم کا سفر‘ پر مستقل نمائش کے افتتاح اور’ ’سردار پٹیل کاوژن: یکجہتی، اتحاد اور وفاقیت“ پر بین الاقوامی سیمینار کے افتتاحی اجلاس سے عملی طور پر خطاب کر رہے تھے۔

انہوں نے کہا کہ ”وندے ماترم“ صرف ایک گیت نہیں ہے، بلکہ ہندوستان کے آزاد جذبے کی علامت ہے۔ اس نے عوام میں حب الوطنی کا جذبہ پھیلایا اور تحریک آزادی کو تقویت بخشی۔ انہوں نے کہا کہ آج بھی یہ گیت قوم، عزت نفس اور قومی یکجہتی کا ایک متاثر کن ذریعہ ہے۔

سردار ولبھ بھائی پٹیل کو خراج عقیدت پیش کرتے ہوئے نائب صدر جمہوریہ نے کہا کہ انہوں نے ریاستوں کا کامیابی کے ساتھ انضمام کرکے جدید ہندوستان کے سیاسی اور انتظامی اتحاد کے خواب کو شرمندہ تعبیر کیا۔ ان کی دور اندیش قیاد ت نے ہندوستان کو ایک مضبوط اور متحد ملک کے طور پر قائم کرنے میں فیصلہ کن کردار ادا کیا۔

انہوں نے کہا کہ حقیقی حب الوطنی صرف الفاظ تک محدود نہیں ہونی چاہیے بلکہ ایمانداری،کام کرنے کی بہترین ثقافت اور قومی یکجہتی کی لگن کی صورت میں ہمارے روزمرہ کے طرز عمل سے ظاہر ہونی چاہیے۔ انہوں نے شہریوں سے مطالبہ کیا کہ وہ وندے ماترم کے لازوال پیغام اور سردار پٹیل کے قوم سازی کے اصولوں کو آگے بڑھاتے ہوئے ایک متحد، خود اعتمادی اور جامع ہندوستان کی تعمیر کے اپنے عزم کو مزید مضبوط کریں۔

اس موقع پر انڈین انسٹی ٹیوٹ آف ایڈوانسڈ اسٹڈیز نے وندے ماترم کے سفر پر ایک مستقل نمائش کا افتتاح کیا اور ایک بین الاقوامی سیمینار کا بھی افتتاح کیا جس میں سردار پٹیل کے قومی اتحاد، انضمام اور ہندوستانی وفاقی نظام کے وژن پر توجہ دی گئی ۔

ہندوستھان سماچار

ہندوستان سماچار / محمد شہزاد