نئی دہلی، 10 جولائی (ہ س)۔

انڈین ریلوے جلد ہی انڈین ریلوے کیٹرنگ اینڈ ٹورازم کارپوریشن (آئی آر سی ٹی سی) کے لیے ایک نئی بیٹا ویب سائٹ شروع کرے گا۔ نئی ویب سائٹ نے ٹکٹ بکنگ کے عمل کو پہلے سے زیادہ آسان، تیز اور صارفین کے موافق بنا دیا ہے۔ مسافروں کے ریزرویشن انجن کو بھی وسیع پیمانے پر جدید بنایا جا رہا ہے، اور مکمل ہونے پر، نیا آئی آر سی ٹی سی پورٹل اگلے چند مہینوں میں مکمل طور پر کام کر نے لگے گا۔

ریلوے کی وزارت نے جمعہ کو بتایا کہ آئی آر سی ٹی سی اور سینٹر فار ریلوے انفارمیشن سسٹم (سی آر آئی ایس) کے عہدیداروں نے مالویہ نیشنل انسٹی ٹیوٹ آف ٹیکنالوجی (ایم این آئی ٹی)، جے پور کے طلباء کے ساتھ نئی بیٹا ویب سائٹ کا تجربہ کیا اور تجاویز حاصل کیں۔ کچھ ہفتے پہلے، ان طلباء نے آئی آر سی ٹی سی ویب سائٹ میں خامیوں کی نشاندہی کی، جس کی وجہ سے ویب سائٹ کو از سر نو بنانے کا فیصلہ کیا گیا۔

ریلوے کے مطابق نئی بیٹا ویب سائٹ میں چار بڑی اصلاحات کی گئی ہیں۔ غیر ضروری کیپچز، پاپ اپس، اور پریشان کن گرافکس کو ہٹا دیا گیا ہے۔ تمام زمروں میں سیٹوں کی دستیابی کو ایک ساتھ دکھایا جائے گا۔ ٹکٹ کی بکنگ کے لیے درکار مراحل کی تعداد کو کم کر دیا گیا ہے، جس سے ادائیگی اور بکنگ کے عمل کو تیز تر بنایا جا رہا ہے۔ مزید برآں، مسافروں کی تفصیلات کو فیڈ کرنے کے لیے ایک فیچر شامل کیا گیا ہے، جس سے ہر بار معلومات کو دوبارہ درج کرنے کے لیے بار بار ٹکٹ کی بکنگ کی ضرورت ختم ہو جاتی ہے۔

وزارت نے کہا کہ ریلوے کی ریل ون ایپ اب چار کروڑ ڈاو¿ن لوڈز کو عبور کر چکی ہے، جو ملک کی سب سے بڑی ریلوے ٹکٹ بکنگ ایپ بن گئی ہے۔ اس ایپ پر ٹکٹ بکنگ سمیت ریلوے سے جڑے مختلف خدمات ایک ہی پلیٹ فارم پر دستیاب ہیں۔

ریلوے نے یہ بھی بتایا کہ تتکال ٹکٹ بکنگ میں بوٹس کے غلط استعمال کو روکنے کے لیے کئی اقدامات کیے گئے ہیں۔ ان کوششوں سے کچھ بہتری آئی ہے لیکن اس چیلنج سے نمٹنے کے لیے مسلسل اور موثر اقدامات کیے جاتے رہیں گے۔

ہندوستھان سماچار

ہندوستان سماچار / عطاءاللہ