امپھال، 10 جولائی (ہ س)۔ منی پور میں سیکورٹی فورسز نے گزشتہ 24 گھنٹوں میں چلائی گئی الگ الگ مہمات میں ایک مشتبہ گانجہ اسمگلر اور دو سرگرم عسکریت پسند کیڈروں کو گرفتار کیا ہے۔ اس دوران تقریباً 3.2 کلوگرام مشتبہ گانجہ برآمد کیا گیا، جبکہ اغوا اور تاوان سے جڑے معاملات میں استعمال کی گئی ایک کار بھی ضبط کی گئی۔

آج دی گئی سرکاری معلومات کے مطابق، 9 جولائی کو امپھال ایئرپورٹ پر سیکورٹی فورسز نے بشنو پور ضلع کے موئرانگ کمام لیکائی کے رہائشی البرٹ کمام (28) کو گرفتار کیا۔ اس کے سامان کی تلاشی لینے پر تقریباً 3.2 کلوگرام مشتبہ گانجہ برآمد ہوا۔

اس سے پہلے امپھال مغربی ضلع کے سنگجامئی تھانہ علاقے کے چنگاماکھا اوئنام لیراک سے کے سی پی (نونگد رینکھومبا) کے سرگرم کیڈر بیلا اوئنام (25) اور یو این ایل ایف (پی) کے سرگرم کیڈر نواز خان (32) کو گرفتار کیا گیا۔

دونوں کے قبضے سے ایک ماروتی سوزوکی بلینو کار بھی ضبط کی گئی ہے۔ سیکورٹی ایجنسیوں کے مطابق دونوں پہلے سے اغوا اور تاوان سے متعلق معاملات میں ملوث رہے ہیں۔ معاملے کی مزید جانچ جاری ہے۔

ہندوستھان سماچار

---------------

ہندوستان سماچار / انظر حسن