نئی دہلی، 10 جولائی (ہ س) دہلی ہائی کورٹ نے مدھیہ پردیش کے دتیا کے کانگریس ایم ایل اے راجندر بھارتی کو سنائی گئی تین سال کی سزا کو برقرار رکھا ہے، جنھیں بینک فراڈ کیس میں قصوروار ٹھہرایا گیا تھا۔ ہائی کورٹ نے 9 اگست کو اپنا فیصلہ محفوظ کر لیا تھا۔

عدالت نے 7 اپریل کو مدھیہ پردیش حکومت اور الیکشن کمیشن کو نوٹس جاری کیا۔ راجیندر بھارتی نے سزا کے حکم پر روک لگانے اور الیکشن کمیشن کو دتیا اسمبلی انتخابات کے لیے نوٹیفکیشن جاری نہ کرنے کی ہدایت مانگی تھی۔ درخواست میں کہا گیا کہ الیکشن کمیشن نے الیکشن کی تاریخوں کا اعلان کیا تو درخواست گزار کے سیاسی کیریئر کو شدید نقصان پہنچے گا۔

یکم اپریل کو راو¿ز ایونیو کورٹ نے راجندر بھارتی کو مجرم قرار دیا۔ 2 اپریل کو عدالت نے انہیں تین سال قید کی سزا سنائی۔ اس فیصلے کے فوراً بعد راجندر بھارتی کو مدھیہ پردیش قانون ساز اسمبلی سے نااہل قرار دے دیا گیا۔

آپ کو بتا دیں کہ بھارتی کے علاوہ عدالت نے رگھویر شرن پرجاپتی کو بھی مجرم قرار دیا تھا۔

راجندر بھارتی کی والدہ ساوتری شیام بھی اس معاملہ میں ملزم تھیں لیکن وہ پہلے ہی مر چکی ہیں۔ یہ کیس 24 اگست 1998 کا ہے، جب ساوتری شیام نے تین سال کے لیے 13.5فیصد سود کی شرح پر ڈسٹرکٹ کوآپریٹو ایگریکلچر اینڈ رورل ڈیولپمنٹ بینک میں 10 لاکھ کا فکسڈ ڈپازٹ کیا۔ ساوتری شیام نے یہ رقم شری شیام سندر شیام جن سہیوگ ایو م سماجی وکاس سنستھان نامی ٹرسٹ کے نام کرائی۔ یہ ٹرسٹ ساوتری شیام کے شوہر شیام سندر شیام نے بنایا تھا۔

الزام ہے کہ ساوتری شیام نے اس فکسڈ ڈپازٹ کی میچورٹی کا انتظار کرنے کے بجائے 1999 سے ہر سال 1.35 لاکھ روپے کا سود لینا شروع کر دیا۔ فکسڈ ڈپازٹ کی شرائط کی خلاف ورزی کرتے ہوئے سود لینے کا یہ سلسلہ 13 سال تک جاری رہا اور 2011 میں ختم ہو گیا۔ الزام ہے کہ راجندر بھارتی بینک کے ڈائریکٹر بورڈ رہتے ہوئے ملازمین پر دباو ڈال کر اپنی ماں کو سود کی رقم دلوائی۔ اس کے لیے بینک کی رسیدوں، کھاتوں اور فکسڈ ڈپازٹ سرٹیفکیٹس کے ساتھ چھیڑ چھاڑ کی گئی۔ دستاویزات کے ساتھ چھیڑ چھاڑ کر کے تین سالہ فکسڈ ڈپازٹ کی مدت 10 سال اور 15 سال تک بڑھا دی گئی۔ دستاویزات کے ساتھ چھیڑ چھاڑ کی گئی تاکہ زیادہ سود کی شرح طویل مدت تک ادا کی جاسکے۔

شکایت کنندہ بینک نے 29 جولائی 2015 کو مدھیہ پردیش میں مقدمہ درج کرایا۔ ابتدائی طور پر یہ مقدمہ صرف راجندر بھارتی اور ان کی والدہ کے خلاف درج کیا گیا تھا۔ بعد میں پرجاپتی کو بھی ملزم کے طور پر نامزد کیا گیا۔ راجندر بھارتی نے سپریم کورٹ میں عرضی دائر کی، جس میں سماعت کو دہلی منتقل کرنے کی درخواست کی گئی۔ اس کے بعد سپریم کورٹ نے معاملہکو مدھیہ پردیش سے دہلی منتقل کر دیا۔

---------------

ہندوستان سماچار / عبدالسلام صدیقی