نئی دہلی، 10 جولائی (ہ س)۔ مرکزی حکومت نے چین سے درآمد کی جانے والی بعض سیملیس ٹیوب اور پائپ پر اینٹی ڈمپنگ ڈیوٹی کو جنوری 2027 تک بڑھا دیا ہے۔ مرکزی بورڈ آف بالواسطہ ٹیکس اور کسٹمز (سی بی آئی سی)، محکمہ محصولات، وزارت خزانہ نے اس سلسلے میں ایک نوٹیفکیشن جاری کیا ہے۔بتایا گیا ہے کہ چین سے درآمد کی جانے والی بعض سیم لیس ٹیوبوں اور پائپوں پر عائد اینٹی ڈمپنگ ڈیوٹی میں توسیع کی گئی ہے تاکہ ملکی صنعت کاروں کو سستی درآمدات سے بچایا جا سکے۔ نوٹیفکیشن کے مطابق لوہے،الائے یا نان الائے اسپات کے سیم لیس ٹیوب، پائپ اور کھوکھلے پروفائل پر یہ ڈیوٹی پہلی بار 28 اکتوبر 2021 کوپانچ سال کے لئے لگایا گیا تھا۔موجودہ اینٹی ڈمپنگ ڈیوٹی $961.33 سے $1,610.67 فی ٹن تک ہے۔ اینٹی ڈمپنگ ڈیوٹی کو سیملیس ٹیوبوں، پائپوں اور چین سے برآمد ہونے والے لوہے، الائے یا نان الائے اسٹیل کے کھوکھلے پروفائلز پر پانچ سال کی مدت کے لیے بڑھا دیا گیا ہے۔ سی بی آئی سی نے ملائیشیا، جنوبی افریقہ اور امریکہ سے نارمل بوٹانال یا این بیوٹل الکحل کی درآمد پر اینٹی ڈمپنگ ڈیوٹی جاری رکھنے کا بھی اعلان کیا۔ یہ مختلف شعبوں میں استعمال ہوتا ہے۔ہندوستھان سماچار

ہندوستان سماچار / Mohammad Khan