علی گڑھ, 29 جون (ہ س) راشٹریہ لوک دل (رالود) کی جانب سے لیلاوتی فارم ہاؤس میں تنظیمی توسیع اور عوامی رابطہ پروگرام کا انعقاد کیا گیا، جس میں ضلع اور اطراف کے علاقوں سے بڑی تعداد میں کارکنان، کسانوں، نوجوانوں اور خواتین نے شرکت کی۔ پروگرام کے مہمانِ خصوصی رالود کے سینئر رہنما اور سابق رکن پارلیمنٹ کے سی تیاگی تھے۔

اس موقع پر ضلع صدر کالی چرن نے تنظیمی توسیع کے تحت نئے عہدیداروں کو تقرری نامے تقسیم کیے، جبکہ رالود کے سینئر رہنما نیرج شرما نے کے سی تیاگی کا گلپوشی کرکے استقبال کیا۔

اجلاس سے خطاب کرتے ہوئے کے سی تیاگی نے کہا کہ سماجی انصاف کا مقصد معاشرے کے آخری فرد تک حقوق اور عزت پہنچانا ہے۔ انہوں نے کہا کہ سابق وزیر اعظم چودھری چرن سنگھ کسانوں، مزدوروں اور محروم طبقات کو مضبوط دیکھنا چاہتے تھے۔ انہوں نے مزید کہا کہ ملک کی خوشحالی کا راستہ گاؤں، کھیت اور کھلیان سے گزرتا ہے اور قومی صدر و مرکزی وزیر چودھری جینت سنگھ کی قیادت میں راشٹریہ لوک دل اسی نظریے کے ساتھ آگے بڑھ رہی ہے۔

---------------

ہندوستان سماچار / سید کامران علی گڑھ