ناگدا، 29 جون (ہ س)۔ مدھیہ پردیش کے اجّین ضلع کے برلاگرام تھانہ علاقہ میں پولیس نے پیر کو ایک نوجوان کے قتل کے مرکزی ملزم کو گرفتار کر لیا۔ پولیس کے مطابق ملزمان نے جھگڑے کے بعد تلوار کے وار کر کے نوجوان کو قتل کر دیا۔اطلاعات کے مطابق برلاگرام کے جی بلاک ٹپری علاقے میں جئے پرکاش جسے ٹاکو بھی کہا جاتا ہے اور موہن دھولی کے درمیان جھگڑا شروع ہوگیا۔ عینی شاہدین کے مطابق تنازعہ بڑھنے پر موہن دھولی گالی گلوچ کرتے ہوئے گھر چلا گیا اور تھوڑی دیر بعد تلوار لے کر واپس آیا۔ اس نے مبینہ طور پر جے پرکاش پر حملہ کیا، جس سے سینے پر شدید چوٹیں آئیں۔واقعے کے بعد زخمی جے پرکاش کو فوری طور پر جنسیوا اسپتال برلاگرام لے جایا گیا جہاں ڈاکٹروں نے اسے مردہ قرار دے دیا۔ اطلاع ملنے پر برلاگرام پولیس جائے وقوعہ پر پہنچی اور شکایت کنندہ آکاش راجپوت کی شکایت کی بنیاد پر ملزم کے خلاف جرم نمبر 195/2026 درج کرکے تفتیش شروع کردی۔معاملے کی سنگینی کو دیکھتے ہوئے، اجین کے پولیس سپرنٹنڈنٹ پردیپ شرما، ایڈیشنل سپرنٹنڈنٹ آف پولیس (دیہی) کرندیپ، اور ناگدا سٹی کے پولیس سپرنٹنڈنٹ وکرم اہیروار کی ہدایت پر ایک خصوصی ٹیم تشکیل دی گئی۔ تلاشی کے بعد پولیس نے قتل کے ملزم موہن ولد امبارم دھولی (45) ساکن ای بلاک ٹپری، برلاگرام، ناگدا کو گرفتار کرلیا۔پولیس کے مطابق کیس کی تفتیش جاری ہے اور مزید قانونی کارروائی کی جا رہی ہے۔ ملزم کی گرفتاری میں اسٹیشن ہاو¿س آفیسر سب انسپکٹر جتیندر پاٹیدار سمیت برلاگرام پولیس ٹیم نے کلیدی رول ادا کیا۔

ہندوستھان سماچار

ہندوستان سماچار / Mohammad Khan