جموں, 29 جون (ہ س) جموں کے ڈگیانہ علاقے میں پیر کی دوپہر ایک منی بس حادثے کا شکار ہو کر الٹ گئی، جس کے نتیجے میں اس میں سوار 10 مسافر زخمی ہو گئے۔ زخمیوں کو فوری طور پر گورنمنٹ میڈیکل کالج اسپتال منتقل کیا گیا، جہاں ان کا علاج جاری ہے۔اطلاعات کے مطابق منی بس بڑی برہمنہ سے ستواری کی جانب جا رہی تھی۔ عینی شاہدین کے مطابق ڈگیانہ پہنچنے پر ڈرائیور نے اچانک رفتار تیز کر دی۔ اسی دوران سامنے ایک کار آ گئی، جسے بچانے کی کوشش میں ڈرائیور گاڑی پر قابو نہ رکھ سکا اور منی بس بے قابو ہو کر سڑک پر الٹ گئی۔

حادثے کے فوراً بعد مقامی لوگ موقع پر پہنچ گئے اور پولیس کے ساتھ مل کر منی بس میں پھنسے مسافروں کو باہر نکالا۔ تمام زخمیوں کو علاج کے لیے جی ایم سی اسپتال منتقل کیا گیا۔

پولیس نے حادثے کا مقدمہ درج کر کے تحقیقات شروع کر دی ہیں۔ ابتدائی تحقیقات میں تیز رفتاری اور گاڑی پر قابو کھو دینا حادثے کی اہم وجہ قرار دیا جا رہا ہے، جبکہ بیشتر زخمیوں کی حالت خطرے سے باہر بتائی گئی ہے۔

ہندوستھان سماچار

---------------

ہندوستان سماچار / محمد اصغر