علی گڑھ, 29 جون (ہ س)۔

علی گڑھ کے قصبہ ٹپّل کے محلہ ہولی والا کے رہائشی چھیلو رام والمیکی نے اپنے پڑوسیوں پر زبردستی راستہ نکالنے، خواتین کے ساتھ بدسلوکی اور ہراسانی کا الزام لگاتے ہوئے صدرِ جمہوریہ ہند سے خواہشِ موت (اچھیہ مرتیو) کی اجازت دینے کی اپیل کی ہے۔

چھیلو رام کا کہنا ہے کہ گزشتہ تقریباً آٹھ ماہ سے چند پڑوسی ان کے گھر کے قریب مبینہ طور پر غیر قانونی راستہ بنانے کی کوشش کر رہے ہیں، جبکہ سرکاری ریکارڈ میں وہاں کوئی راستہ درج نہیں ہے۔ ان کے مطابق مخالفت کرنے پر ان کے اہل خانہ، خصوصاً خواتین کے ساتھ مارپیٹ اور بدتمیزی کی گئی۔

متاثرہ شخص نے الزام لگایا کہ انہوں نے اس معاملے میں ضلع مجسٹریٹ، سینئر سپرنٹنڈنٹ آف پولیس، ایس ڈی ایم خیر، سی او خیر اور تھانہ ٹپّل سمیت کئی حکام سے شکایت کی، لیکن اب تک کوئی مؤثر کارروائی نہیں ہوئی۔ اسی وجہ سے مایوس ہو کر انہوں نے صدرِ جمہوریہ کو خط لکھ کر انصاف دلانے اور خواہشِ موت کی اجازت دینے کی اپیل کی ہے۔

واضح رہے کہ یہ تمام الزامات درخواست گزار کی جانب سے لگائے گئے ہیں، جن کی سرکاری طور پر تصدیق یا متعلقہ فریق کا موقف سامنے نہیں آیا ہے۔

---------------

ہندوستان سماچار / سید کامران علی گڑھ