چھپرہ میں پُھچکا بناتے وقت مکان میں لگی آگ، لاکھوں کا سامان جل کر خاکسترسارن، 26 جون (ہ س)۔ چھپرہ ٹاؤن تھانہ علاقہ کے تحت مونا حسین چھپرہ نیو کالونی میں گذشتہ شب اس وقت خوف و ہراس پھیل گیا جب دھرم ناتھ شاہ کے مکان میں زبردست آگ لگ گئی۔ اس مکان میں منگل کمار اپنے اہل خانہ کے ساتھ کرائے پر رہتا ہے، جو ٹھیلے پر چاٹ، چاؤمین اور پُھچکا بیچتا ہے۔پڑوسیوں کے مطابق گھر کی دوسری منزل پر بانس اور بھوسے سے بنے عارضی شیڈ میں پُھچکا بنانے کا کام جاری تھا۔ اچانک چولہے سے آگ بھڑک اٹھی۔ آگ کے شدید شعلوں کو دیکھ کر گھر کے سبھی لوگ خوف و ہراس کے عالم میں فوراً باہر نکل آئے۔ آگ تیزی سے پھیل گئی۔ اس دوران تین مشینیں، ایک موبائل فون اور کاروبار سے متعلق دیگر تمام خام مال جل کر خاکستر ہوگیا۔ مقامی باشندوں نے یکجہتی کا مظاہرہ کیا۔ آگ پر قابو پانے کے لیے پڑوسیوں نے فوری طور پر اپنے گھروں سے پانی لانا شروع کیا اور کئی گھنٹوں کی کوشش کے بعد آگ پر مکمل طور پر قابو پالیا گیا۔ آگ پر قابو پانے کے بعد فائر بریگیڈ کی ٹیم جائے وقوعہ پر پہنچ گئی۔ فائر فائٹر نے آگ سے متاثرہ گھر کا معائنہ کیا اور واقعے سے متعلق ضروری معلومات اکٹھی کیں۔ محکمہ فائر بریگیڈ کے اہلکاروں نے متاثرہ خاندان کے ایک فرد کو آج اسٹیشن بلایا اور کہا کہ وہ مزید کارروائی شروع کریں گے۔ہندوستھان سماچار

ہندوستان سماچار / Mohammad Afzal Hassan