مشہور ویب سیریز پنچایت کے مقبول کردار بنود اور بھوشن ایک بار پھر سرخیوں میں ہیں۔ اس بار وجہ ان کی اداکاری نہیں بلکہ وزیر اعظم نریندر مودی سے ان کی ملاقات ہے۔ حال ہی میں، ایک عوامی تقریب کے دوران، وزیر اعظم نے اداکار اشوک پاٹھک اور درگیش کمار سے ملاقات کی، جس کا ایک ویڈیو سوشل میڈیا پر تیزی سے وائرل ہو رہا ہے۔
ملاقات کے دوران وزیر اعظم مودی کو دونوں اداکاروں کے ساتھ بہت ہی خوشگوار اور مزاحیہ انداز میں بات چیت کرتے ہوئے دیکھا گیا۔ قابل ذکر ہے کہ وزیر اعظم نے خود اس ملاقات کی ویڈیو اپنے سوشل میڈیا اکاو¿نٹ پر شیئر کی ہے۔ انہوں نے مزاحیہ انداز میں ویڈیو کا کیپشن دیا، ونود سے کچھ باتیں ... جس نے مداحوں کی توجہ حاصل کی۔ وزیر اعظم اور ’پنچایت‘ کے مقبول کرداروں کے درمیان یہ گفتگو انٹرنیٹ پر موضوع بحث بن گئی ہے۔
ویڈیو منظر عام پر آنے کے بعد سوشل میڈیا پر مداحوں کے ردعمل کا سیلاب آگیا۔ بہت سے صارفین نے پھلیرا گاو¿ں اور سیریز کے مشہور مکالموں کا حوالہ دیتے ہوئے دل چسپ تبصرے کیے ہیں۔ ایک نے لکھا، دیکھ رہاہے نا ونود ،سیدھے وزیر اعظم سے ملاقات ہو رہی ہے۔ جب کہ دوسرے نے لکھا، اب پھلیرا کی ترقی یقینی ہے۔ وزیر اعظم اور ’پنچایت‘ کے کرداروں کے درمیان یہ ملاقات دیکھنے والوں کے لیے کسی سرپرائز سے کم نہیں تھی۔
ہندوستھان سماچار
ہندوستان سماچار / عطاءاللہ
