نئی دہلی، 24 جون (ہ س)۔ گھریلو شیئر بازار میں آج ابتدائی کاروبار کے دوران اتار چڑھاو کے درمیان تیزی کا رجحان بنا ہوا ہے۔ آج کے کاروبار کی فلیٹ سطح پر ملی جلی شروعات ہوئی تھی۔ کاروبار کی شروعات ہوتے ہی فروخت کا دباو بننے کے سبب تھوڑی دیر کے لیے سینسیکس اور نفٹی دونوں انڈیکس کی چال میں گراوٹ کا رجحان بنتا ہوا نظر آیا، لیکن تھوڑی دیر بعد ہی خریداروں نے خریداری شروع کر دی۔ صبح 10 بجے تک کا کاروبار ہونے کے بعد سینسیکس 0.32 فیصد اور نفٹی 0.17 فیصد کی مضبوطی کے ساتھ کاروبار کر رہے تھے۔

صبح 10 بجے تک کا کاروبار ہونے کے بعد شیئر بازار کے سرکردہ شیئروں میں سے سپلا، ڈاکٹر ریڈیز لیبارٹریز، پاور گرڈ کارپوریشن، ایکسس بینک اور سن فارماسیوٹیکلز کے شیئر 1.23 فیصد سے لے کر 0.27 فیصد کی مضبوطی کے ساتھ کاروبار کر رہے تھے۔ دوسری جانب، انفوسس، ٹی سی ایس، اڈانی انٹرپرائزز، وپرو اور جے ایس ڈبلیو اسٹیل کے شیئر 3.39 فیصد سے لے کر 3.13 فیصد کی گراوٹ کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر بازار میں 3,002 شیئروں میں ایکٹیو ٹریڈنگ ہو رہی تھی۔ ان میں سے 831 شیئر منافع کما کر سبز نشان میں کاروبار کر رہے تھے، جبکہ 2,171 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 14 شیئر خریداری کی حمایت سے سبز نشان میں برقرار تھے۔ دوسری جانب 16 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 23 شیئر سبز نشان میں اور 27 شیئر سرخ نشان میں کاروبار کرتے نظر آ رہے تھے۔

بامبے اسٹاک ایکسچینج (بی ایس ای) کا سینسیکس آج 29.08 پوائنٹس کے معمولی اضافے کے ساتھ 76,229.76 پوائنٹس کی سطح پر کھلا۔ کاروبار کی شروعات ہوتے ہی فروخت کا دباو بننے سے یہ انڈیکس تھوڑی دیر میں ہی سرخ نشان میں 76,121.59 پوائنٹس کی سطح تک گر گیا۔ اس کے بعد خریداروں نے خریداری شروع کر دی، جس سے اس انڈیکس نے ریکوری کر کے سبز نشان میں اپنی جگہ بنا لی۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد سینسیکس 243.26 پوائنٹس کی مضبوطی کے ساتھ 76,443.94 پوائنٹس کی سطح پر کاروبار کر رہا تھا۔

سینسیکس کے برعکس این ایس ای کے نفٹی نے آج 28.30 پوائنٹس کی کمزوری کے ساتھ 23,795.80 کی سطح سے کاروبار کی شروعات کی۔ بازار کھلتے ہی فروخت کا دباو بننے کے سبب تھوڑی دیر میں ہی یہ انڈیکس 23,789.25 پوائنٹس کی سطح تک گر گیا۔ حالانکہ تھوڑی دیر میں ہی خریداروں نے خریداری شروع کر دی، جس سے اس انڈیکس کی چال میں سدھار ہونے لگا۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد نفٹی 40.80 پوائنٹس کے اضافے کے ساتھ 23,864.90 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن