گیل کے سی این جی پمپ پر خوفناک آگ لگی

وارانسی، 20 جون (ہ س)۔ وارانسی میں پھول پور تھانہ علاقے کے تحت کرکھیاو میں واقع گیل کے سی این جی پمپ پر جمعہ کی دیر رات ایک گاڑی میں سی این جی بھرواتے وقت دھماکے کے بعد خوفناک آگ لگ گئی۔ عینی شاہدین کے مطابق آگ لگنے کے بعد تقریباً 40 فٹ اونچے آگ کے شعلے اٹھنے لگے اور علاقے میں افرا تفری مچ گئی۔

واقعے کی اطلاع ملتے ہی پھول پور تھانہ کی پولیس ٹیم پہنچی اور تقریباً 30 منٹ کے اندر فائر بریگیڈ کی بارہ گاڑیوں سے پہنچے فائر فائٹرز آگ بجھانے میں مصروف گئے۔ وارانسی-جونپور شاہراہ پر واقع سی این جی پمپ کے باہر ٹریفک جام کی صورتِ حال کو دیکھتے ہوئے پھول پور تھانہ کے پولیس اہلکاروں کو موقع پر تعینات کیا گیا ہے۔ پمپ کے سامنے کسی کو بھی رکنے کی اجازت نہیں دی جا رہی ہے۔ صورتِ حال کے پیشِ نظر ڈپٹی کمشنر آف پولیس اور اسسٹنٹ کمشنر آف پولیس سمیت تمام اعلیٰ حکام بھی موقع پر پہنچ گئے ہیں۔

ہندوستھان سماچار

---------------

ہندوستان سماچار / انظر حسن