پٹنہ، 20 جون(ہ س)۔راجدھان کے مسلح پور واقع بازار سمیتی میں صفائی کے حوالے سے انتظامیہ نے سخت ہدایات جاری کر دی ہیں۔ جس میں بازار سمیتی کے احاطے میں گندگی اور پانی جمع ہونے کے مسئلے کے حل کے لیے ضروری کارروائی کرنے کا حکم دیا گیا ہے۔ چند روز قبل ڈیولپمنٹ کمشنر نے بازار کا اچانک معائنہ کیا۔ معائنے کے دوران ڈیولپمنٹ کمشنر نے مصلے پور بازار سمیتی میں صفائی ستھرائی کے حوالے سے سخت ہدایات جاری کیں۔وہیں افسران کے ذریعہ دن میں 12اور رات میں 15 صفائی کارکنان (سوپر وائزر سمیت)کے کام کرنے کی جانکاری دی گئی تھی ،جس پر ڈیولپمنٹ کمشنر نے افرادی قوت کے صحیح استعمال کی ہدایت ڈی اور باہر سے لایا گیا کچرا بازار میں پھینکنے پر پابندی عائدکر دی تھی۔اس دوران ڈیولپمنٹ کمشنر نے افسران کو ہدایت دی کہ وہ بازار کے احاطے کی صفائی کے لیے فوری اور موثر اقدامات کریں تاکہ بازار کے احاطے کو مکمل طور پر کچرے سے پاک اور صاف ستھرا اور قابل رسائی بنایا جاسکے۔ مزید برآں، مارکیٹ میں صفائی کارکنوں کی تعیناتی کو یقینی بنایا جائے تاکہ مقامی تاجروں اور عام لوگوں کو کسی قسم کی مشکلات کا سامنا نہ کرنا پڑے۔ہندوستھان سماچار

ہندوستان سماچار / Mohammad Afzal Hassan