کھیر بھوانی میلے میں شرکت کے لیے 9 ہزار سے زائد عقیدت مند وای کے لیے روانہ ہوئے

جموں، 20 جون (ہ س)۔ وادی کشمیر کے مشہور کھیر بھوانی مندر میں منعقد ہونے والے سالانہ میلے میں شرکت کے لیے ہفتہ کے روز 9 ہزار سے زائد یاتری جموں سے وادی کشمیر کے لیے روانہ ہوئے۔ یاتریوں میں اکثریت کشمیری پنڈت برادری سے تعلق رکھنے والے عقیدت مندوں کی ہے۔

سرکاری حکام کے مطابق اس سال یاتریوں کی تعداد میں نمایاں اضافہ ریکارڈ کیا گیا ہے، جس کے پیش نظر کھیر بھوانی میلے میں عقیدت مندوں کی بڑی تعداد میں شرکت کی توقع کی جا رہی ہے۔ یہ میلہ کشمیری پنڈت برادری کی اہم مذہبی تقریبات میں شمار کیا جاتا ہے۔

حکام نے بتایا کہ یاتریوں کو جموں و کشمیر روڈ ٹرانسپورٹ کارپوریشن (جے کے آر ٹی سی) کی 200 بسوں کے ذریعے وادی کشمیر روانہ کیا گیا، جبکہ یاترا کے پیش نظر سیکورٹی کے وسیع اور سخت انتظامات کیے گئے ہیں تاکہ عقیدت مندوں کا سفر محفوظ اور پُرامن بنایا جا سکے۔

ہندوستھان سماچار

--------------

ہندوستان سماچار / محمد اصغر