نئی دہلی، 2 جون (ہ س)۔

پی ایم نیشنل چائلڈ ایوارڈ 2026(پی ایم آر بی پی) کے لیے نامزدگی کا عمل شروع ہو گیا ہے۔ درخواستوں اور نامزدگیوں کی آخری تاریخ 31 جولائی 2026 ہے۔

یہ ایوارڈ ان بچوں کو دیاجاتا ہے جنہوں نے مختلف شعبوں میں غیر معمولی کامیابیاں حاصل کی ہیں۔ خواتین اور اطفال بہبود کی وزارت نے منگل کو بتایا کہ یہ ایوارڈ صدر کی طرف سے پیش کیا جاتا ہے۔

پانچ سے 18 سال کی عمر کے بچے (31 جولائی 2026 تک) اہل ہیں۔ نامزدگی کوئی بھی فرد یا ادارہ کر سکتا ہے جبکہ بچے بھی خود درخواست دے سکتے ہیں۔

ایوارڈز چھ کیٹیگریز میں دیئے جائیں گے۔

بہادری، سماجی خدمت، ماحولیات، کھیل، فن اور ثقافت اور سائنس اور ٹیکنالوجی۔

درخواستیں صرف نیشنل ایوارڈ پورٹل پر آن لائن قبول کی جائیں گی۔ درخواستوں کے لیے نام، تاریخ پیدائش، آدھار نمبر، موبائل نمبر اور ای میل ایڈریس جیسی معلومات درکار ہوتی ہیں۔ درخواست دہندگان کو دستیاب نامزدگی کی فہرست سے پی ایم نیشنل چائلڈ ایوارڈ 2026 منتخب کریں اور متعلقہ زمرے میں درخواست دیں۔

درخواست فارم کے ساتھ، کامیابی اور اس کے اثرات کی تفصیل زیادہ سے زیادہ 1000 الفاظ میں، ضروری سرٹیفکیٹ اور ایک حالیہ تصویر اپ لوڈ کرنا لازمی ہے۔

وزارت نے والدین، اساتذہ، سماجی تنظیموں اور شہریوں سے اپیل کی ہے کہ وہ مستحق اور باصلاحیت بچوں کو اس ایوارڈ کے لیے درخواست دینے یا نامزد کرنے میں مدد کریں۔

ہندوستھان سماچار

ہندوستان سماچار / عطاءاللہ