بھوپال، 2 جون (ہ س)۔ مدھیہ پردیش سنسکرتی پریشد، محکمہ ثقافت کے تحت کام کرنے والی ایم پی اردو اکادمی کی جانب سے معروف و مقبول شاعر پدم شری بشیر بدر کو خراجِ عقیدت پیش کرنے کے مقصد سے ”یادِ بشیر بدر“ کے عنوان کے تحت ”مکالمہ اور آل انڈیا مشاعرہ“ کا انعقاد جمعرات، 4 جون 2026 کو شام چھ بجے دارالحکومت بھوپال کے رویندر بھون میں واقع انجنی آڈیٹوریم میں کیا جائے گا۔

پبلک ریلیشنز آفیسر جوہی شریواستو نے منگل کو بتایا کہ پروگرام کے پہلے سیشن میں بشیر بدر کی شخصیت اور ادبی خدمات پر مبنی مکالمہ کا اہتمام کیا جائے گا۔ اس گفتگو میں مشہور و معروف شاعر پروفیسر وسیم بریلوی، پدم شری ڈاکٹر بشیر بدر کے بیٹے کی مانند اور نامور فلم ساز و ہدایت کار، موسیقار و کہانی کار وشال بھاردواج اور مایہ ناز گلوکارہ ریکھا بھاردواج اپنے خیالات کا اظہار کریں گے۔

انہوں نے مزید بتایا کہ پروگرام کے دوسرے سیشن میں شام 7.30 بجے آل انڈیا مشاعرے کا انعقاد کیا جائے گا، جس کی صدارت پروفیسر وسیم بریلوی کریں گے۔ مشاعرے میں ملک کے مختلف شہروں سے مدعو کیے گئے نامور شعراء اپنا کلام پیش کریں گے۔ مدھیہ پردیش اردو اکادمی کی ڈائریکٹر ڈاکٹر نصرت مہدی نے ادب، ثقافت اور فن کے دلدادہ لوگوں سے اس پروگرام میں شرکت کی اپیل کی ہے۔

ہندوستھان سماچار

---------------

ہندوستان سماچار / انظر حسن