نئی دہلی، 2 جون (ہ س)۔ کرناٹک میں نئی حکومت کی تشکیل اور کابینہ کو حتمی شکل دینے کے لیے ڈی کے شیوکمار اور نگراں وزیر اعلیٰ سدھارامیادہلی میں ہیں۔ دونوں قائدین کانگریس صدر ملکارجن کھرگے، راہول گاندھی اور دیگر سینئر قائدین سے ملاقات کریں گے، جس میں کابینہ کی تشکیل اور اہم تنظیمی تقرریوں پر تبادلہ خیال کیا جائے گا۔
سدھارامیا نے دہلی میں اپنے ہوٹل سے نکلتے ہوئے وزیر خارجہ ڈاکٹر ایس جے شنکر سے بھی ملاقات کی۔ جب نامہ نگاروں نے ملکارجن کھرگے کے ساتھ ملاقات کے ایجنڈے کے بارے میں پوچھا تو انہوں نے کہا کہ وہ انہیں نہیں معلوم ہے۔
ذرائع نے بتایا کہ اس میٹنگ میں ہونے والی بات چیت کے لیےڈی کے شیوکمار نے کابینہ کے ممکنہ ارکان کی ابتدائی فہرست تیار کی ہے۔ کانگریس قیادت سے مشاورت کے بعد اس فہرست کو حتمی شکل دی جائے گی۔ بتایا جاتا ہے کہ پہلے مرحلے میں 10 سے 20 وزراء کو حلف دلایا جا سکتا ہے ۔
بتایا جاتا ہے کہ کرناٹک میں نئی حکومت کی تشکیل کے لیے زیادہ تر معاملات پر اتفاق ہو گیا ہے اور حتمی منظوری کے بعد ناموں کا اعلان کیا جائے گا۔ خیال کیا جا رہا ہے کہ ڈی کے شیوکمار کی قیادت والی نئی حکومت کی حلف برداری کی تقریب اگلے ایک سے دو دنوں میں بنگلورو میں منعقد ہوگی، جس کے دوران وزراء کی کونسل کے پہلے مرحلے کو بھی حلف دلایا جا سکتا ہے۔
ہندوستھان سماچار
ہندوستان سماچار / محمد شہزاد
