حیدرآباد ، 2 جون (ہ س) ۔

تلنگانہ ہائی کورٹ نے منگل،2 جون کوجن سینا پارٹی (جے ایس پی) کی جانب سے حیدرآباد میں مجوزہ ‘تلنگانہ نوانرماناسنکلپا سبھا’ کے انعقاد کی اجازت دینے کے لیے دائر کردہ ہاؤس موشن پٹیشن کومسترد کردیا۔ سائبرآباد پولیس کی جانب سے تلنگانہ کے یوم تاسیس کے موقع پر2جون کو گچی باولی کے کنونشن سنٹرمیں میٹنگ کی اجازت دینے سے انکار کے بعد پارٹی نے ہائی کورٹ سے رجوع کیا تھا۔جنا سینا کے رہنماؤں نے پولیس کے انکارکے بعد ہاؤس موشن پٹیشن کے ذریعے فوری عدالتی مداخلت کی درخواست کی۔ ہائی کورٹ کی جانب سے عرضی پرغورکرنے سے انکارکے بعد پارٹی کوشہرمیں تقریب منعقد کرنے میں دھچکا لگا ہے۔ سائبرآباد پولیس نے امن و امان،ٹریفک انتظام اورسیکورٹی انتظامات پرتشویش کاحوالہ دیتے ہوئے میٹنگ کی اجازت دینے سے انکار کردیا۔ حکام نے ریاست بھرمیں بڑے پیمانے پرتلنگانہ یوم تاسیس کی تقریبات منعقد کرنے کی طرف بھی اشارہ کیا۔ اس مجوزہ تقریب کوجناسینا کے سربراہ اورآندھرا پردیش کے نائب وزیراعلیٰ پون کلیان کی طرف سے خطاب کرنے کی توقع تھی، پارٹی کی تلنگانہ میں اپنی تنظیمی موجودگی کو مضبوط کرنے کی کوششوں کے حصے کے طورپرتقریباً 2000 پارٹی کارکنوں اوررہنماؤں کی شرکت متوقع تھی۔ اجازت سے انکارنے سیاسی تنازعہ کوجنم دیا تھا،حکمراں کانگریس کے کچھ حصوں نے تلنگانہ کے یوم تاسیس پرتقریب کے وقت پرسوال اٹھائے اورمجوزہ میٹنگ کی مخالفت کی۔ پروگرام کے موقع پر،پون کلیان نے کہاکہ جناسینا نے تلنگانہ کی سرزمین پرجنم لیا اورکہا کہ پارٹی چیلنجوں کے باوجود ریاست میں اپنا سیاسی سفرجاری رکھے گی۔ دریں اثنا، پون کلیان نے اعلان کیا کہ وہ منگل کی شام اپنی جوبلی ہلزرہائش گاہ پرایک پریس کانفرنس سے خطاب کریں گے جب مجوزہ عوامی اجلاس قانونی اورانتظامی رکاوٹوں میں پڑ گیا۔ جنا سینا کے سربراہ نے کہا کہ وہ 4:30 بجے سے شام 5:30 بجے کے درمیان میڈیااورپارٹی لیڈروں کے ساتھ بات چیت کریں گے۔۔ہندوستھان سماچار

ہندوستان سماچار / محمدعبدالخالق