علی گڑھ, 19 جون (ہ س)۔

اسٹیٹ بینک آف انڈیا (ایس بی آئی) کی جانب سے جمعہ کو اسمارٹ زرعی کسٹمر کانفرنس کا انعقاد کیا گیا، جس میں ضلع کے بڑی تعداد میں ترقی پسند کسانوں نے شرکت کرکے اپنی کامیابیوں اور تجربات کا تبادلہ کیا۔

پروگرام کا افتتاح ڈپٹی جنرل منیجر ماتا پرساد، چیف منیجر ونیتا راجپوت، علاقائی منیجر اُتم کمار اور چیف منیجر لون راکیش کمار نے مشترکہ طور پر چراغ روشن کرکے کیا۔ مقررین نے کہا کہ ایس بی آئی صرف قرض فراہم کرنے تک محدود نہیں بلکہ کسانوں کو جدید زراعت، مائیکرو اریگیشن، ڈیری، پولٹری، باغبانی، شمسی توانائی اور زرعی کاروبار سے متعلق مالی معاونت اور رہنمائی بھی فراہم کر رہا ہے۔

کانفرنس میں کسانوں کو مختلف بینکنگ سہولیات، سرکاری اسکیموں، زرعی صنعت کاری اور جدید زرعی ٹیکنالوجی سے متعلق معلومات دی گئیں۔ مقررین نے کسانوں پر زور دیا کہ وہ جدید تکنیک اور بینکنگ سہولیات سے فائدہ اٹھاتے ہوئے ’’کسان سے کاروباری شخصیت‘‘ بننے کی جانب قدم بڑھائیں۔ اس موقع پر متعدد ترقی پسند کسانوں کو شال اوڑھا کر اعزاز سے بھی نوازا گیا۔

---------------

ہندوستان سماچار / سید کامران علی گڑھ