پربھنی، 19 جون (ہ س)۔ پربھنی ضلع کے تعلقہ میں واقع گاؤں تاکلی (کمبھکرن) کا سن 1990 سے زیر التوا پلاٹ پھیر پھار (میوٹیشن) معاملہ بالآخر حل ہو گیا ہے، جس کے بعد گاؤں میں اطمینان اور خوشی کا ماحول پیدا ہو گیا ہے۔ تقریباً 35 برس سے لٹکے ہوئے اس مسئلے کے حل پر دیہاتیوں نے ضلع کلکٹر سنجے سنگھ چوہان، سب ڈویژنل آفیسر اُدئے سنگھ بھوسلے اور محکمہ مال کے دیگر افسران کا شکریہ ادا کیا ہے۔گاؤں کے مکینوں کی مسلسل پیروی اور مطالبات کے بعد ضلع کلکٹر سنجے سنگھ چوہان نے معاملے کا سنجیدگی سے نوٹس لیتے ہوئے فوری کارروائی کی ہدایت دی تھی۔ ان کی ہدایت پر سب ڈویژنل آفیسر اُدئے سنگھ بھوسلے نے ایک خصوصی میٹنگ منعقد کی، جس میں دیہاتیوں کا موقف سنا گیا اور معاملے کے تصفیے کے لیے ضروری اقدامات شروع کیے گئے۔محکمہ مال کے مطابق تحصیلدار ڈاکٹر سندیپ راجپورے، نائب تحصیلدار مدھوکر شیراساگر، گرام ریونیو آفیسر سوپان گنڈے اور منڈل آفیسر جیوتی اڈگلے کی رہنمائی اور باہمی تال میل سے یہ طویل عرصے سے زیر التوا فیر پھار معاملہ نمٹایا گیا۔ اس کارروائی کے نتیجے میں کئی دہائیوں سے رکے ہوئے مسئلے کا حل ممکن ہوا اور متعلقہ مستفیدین کو انصاف حاصل ہوا۔اس موقع پر تاکلی (کمبھکرن) کے دیہاتیوں کی جانب سے محکمہ مال کے افسران اور عملے کا اعزاز بھی کیا گیا۔ تقریب کے دوران دیہاتیوں نے خاص طور پر ضلع کلکٹر سنجے سنگھ چوہان کے مثبت اور مؤثر کردار کی ستائش کی اور محکمہ مال کی عوام دوست اور فوری کارروائی پر اظہارِ تشکر کیا۔ گاؤں والوں نے کہا کہ پھیر پھار کے اس معاملے کے حل کے لیے گزشتہ 35 برس سے جدوجہد جاری تھی، لیکن مسئلہ حل نہیں ہو پا رہا تھا۔ بالآخر ضلع کلکٹر اور ریونیو انتظامیہ کی مداخلت اور سنجیدہ کوششوں کے باعث یہ دیرینہ مسئلہ حل ہوا اور متاثرہ افراد کو انصاف ملا۔دیہاتیوں نے اس کامیابی پر اطمینان کا اظہار کرتے ہوئے تمام متعلقہ افسران اور ملازمین کا دل کی گہرائیوں سے شکریہ ادا کیا اور امید ظاہر کی کہ مستقبل میں بھی عوامی مسائل کے حل کے لیے اسی طرح فوری اور مؤثر اقدامات کیے جاتے رہیں گے۔

ہندوستھان سماچار

--------------------

ہندوستان سماچار / جاوید این اے