جموں ہوائی اڈے پر جدید سہولیات سے آراستہ نئے ٹرمینل کی تعمیر جاری

جموں، 19 جون (ہ س)۔ جموں ہوائی اڈے پر بڑھتی ہوئی مسافروں کی تعداد کے پیش نظر نئے ٹرمینل کی تعمیر کا کام تیزی سے جاری ہے۔ حکام کے مطابق موجودہ سنگل ٹرمینل کی وجہ سے زیادہ بھیڑ کو منظم کرنے میں مشکلات پیش آتی ہیں، جس کے حل کے لیے جدید سہولیات سے آراستہ نئے ٹرمینل کی تعمیر کی جا رہی ہے۔

ذرائع کے مطابق نئے ٹرمینل کے لیے ایک علیحدہ داخلی راستہ بھی بنایا جا رہا ہے، جس سے شہر سے آنے والے مسافروں کو بہتر سہولت حاصل ہوگی۔ اس کے علاوہ نئے راستے سے شہر میں ٹریفک کے دباؤ کو کم کرنے میں بھی مدد ملے گی۔حکام کا کہنا ہے کہ نئے ٹرمینل کی تکمیل کے بعد جموں ہوائی اڈے کی گنجائش میں اضافہ ہوگا اور مسافروں کو زیادہ آرام دہ اور منظم سفری سہولیات میسر آئیں گی۔

ہندوستھان سماچار

--------------

ہندوستان سماچار / محمد اصغر