یوگ ہمارے رشیوں اور مُنیوں کا دنیا کو دیا گیا انمول تحفہ: انل پراشر

علی گڑھ، 18 جون (ہ س)۔12ویں بین الاقوامی یومِ یوگ کے موقع پر جاری یوگ ہفتہ کے تحت یوگ بیداری ریلی کا آغاز اسٹیٹ بینک چوراہے سے رکن اسمبلی کول انل پراشر نے فیتہ کاٹ کر کیا۔ اس موقع پر انہوں نے کہا کہ یوگ ہمارے رشیوں اور مُنیوں کی جانب سے دنیا کو دیا گیا ایک انمول تحفہ ہے، جو انسان کو جسمانی، ذہنی اور روحانی طور پر مضبوط بناتا ہے۔

انہوں نے کہا کہ وزیر اعظم کی اپیل پر آج پوری دنیا میں یوگ دیوس منایا جا رہا ہے اور موجودہ مصروف اور تناؤ بھرے دور میں یوگ صحت مند زندگی کے لیے نہایت ضروری ہے۔ انہوں نے عوام سے اپیل کی کہ یوگ کو اپنی روزمرہ زندگی کا لازمی حصہ بنائیں۔

علاقائی آیورویدک و یونانی افسر ڈاکٹر نریندر کمار کی نگرانی میں نکالی گئی یہ ریلی کلیان سنگھ ہیوی ویٹ سینٹر تک پہنچی، جس میں محکمہ آیوش کے افسران، ملازمین، یوگ ٹرینرز، مختلف سماجی تنظیموں کے نمائندوں اور شہریوں نے بڑھ چڑھ کر حصہ لیا۔ ریلی کے دوران ’’کریں یوگ، رہیں نیروگ‘‘ اور ’’یوگ اپنائیں، تناؤ مٹائیں‘‘ جیسے نعروں کے ذریعے عوام کو یوگ کے فوائد سے آگاہ کیا گیا۔ اختتام پر ڈاکٹر نریندر کمار نے عوام سے صحت مند زندگی کے لیے یوگ اپنانے کی اپیل کی۔

ہندوستھان سماچار

---------------

ہندوستان سماچار / سید کامران علی گڑھ