جموں, 18 جون (ہ س)۔ آئندہ شری امرناتھ یاترا کے پیش نظر جموں پولیس نے حفاظتی انتظامات مزید سخت کرتے ہوئے بھگوتی نگر بیس کیمپ اور اس سے ملحقہ علاقوں میں کرایہ داروں کی خصوصی تصدیقی مہم شروع کر دی ہے۔خفیہ ایجنسیوں سے موصول ہونے والی اطلاعات کے بعد پولیس نے شہر میں مقیم کرایہ داروں کی جانچ کا عمل تیز کر دیا ہے تاکہ یاترا کے دوران کوئی مشتبہ شخص جموں میں پناہ نہ لے سکے۔ اس سلسلے میں بھگوتی نگر بیس کیمپ اور اطراف کے علاقوں کو خصوصی نگرانی میں رکھا گیا ہے۔

پولیس حکام نے مکان مالکان کو ہدایت دی ہے کہ وہ اپنے یہاں رہنے والے تمام کرایہ داروں کی لازمی پولیس تصدیق کرائیں، بصورت دیگر ان کے خلاف قانونی کارروائی عمل میں لائی جائے گی۔

اس دوران پولیس اہلکار گھر گھر جا کر کرایہ داروں کی شناخت، مستقل پتے، پیشے اور دیگر ضروری تفصیلات جمع کر رہے ہیں۔ عوام سے بھی اپیل کی گئی ہے کہ وہ کسی بھی مشتبہ شخص یا سرگرمی کے بارے میں فوری طور پر پولیس کو اطلاع دیں۔پولیس کا کہنا ہے کہ شری امرناتھ یاترا کے دوران لاکھوں یاتریوں کی سلامتی اولین ترجیح ہے اور یاترا کے راستوں یا بیس کیمپ کے اطراف کسی بھی قسم کی لاپروائی برداشت نہیں کی جائے گی۔ اس مقصد کے لیے پولیس، خفیہ ایجنسیوں اور دیگر سیکورٹی فورسز کے درمیان مسلسل رابطہ اور تال میل برقرار رکھا جا رہا ہے۔

ہندوستھان سماچار

---------------

ہندوستان سماچار / محمد اصغر