قدرتی کھیتی وقت کی اہم ضرورت، کسان میلے میں ماہرین کا زور

علی گڑھ، 18 جون (ہ س)۔ مرکزی حکومت کے 12 اور ریاستی حکومت کے 9 سال مکمل ہونے کے موقع پر کرشی وگیان کیندر، چھیرت میں نمامی گنگے پروجیکٹ کے تحت کسان میلہ اور قدرتی کھیتی ورکشاپ کا انعقاد کیا گیا۔ مقررین نے کسانوں سے کیمیائی کھادوں پر انحصار کم کرکے قدرتی اور حیاتیاتی کھیتی اپنانے کی اپیل کی۔ ضلع پنچایت صدر وجئے سنگھ، ایم ایل سی پروفیسر طارق منصور، ایم ایل سی ڈاکٹر مانویندر سنگھ اور زرعی ماہرین نے کہا کہ قدرتی کھیتی نہ صرف زمین کی زرخیزی اور آبی وسائل کے تحفظ میں معاون ہے بلکہ انسانی صحت کے لیے بھی مفید ہے۔ ورکشاپ میں کسانوں کو قدرتی کھیتی، آبی تحفظ، ورمی کمپوسٹ، گوآدھارِت زراعت اور جدید زرعی تکنیکوں کے بارے میں معلومات فراہم کی گئیں، جبکہ ترقی پسند کسانوں کو اعزاز سے بھی نوازا گیا۔

ہندوستھان سماچار

--------------

ہندوستان سماچار / سید کامران علی گڑھ