پٹنہ، 18 جون (ہ س)۔ بہار کے وزیر اعلیٰ سمراٹ چودھری نے جمعرات کے روزپٹنہ کے گاندھی میدان میں منعقدہ ہوم گارڈکی پاسنگ آؤٹ پریڈ میں وزیر اعلیٰ نے شرکت کی۔ انہوں نے پریڈ کا معائنہ کیا اور سلامی لی۔تقریب سے خطاب کرتے ہوئے وزیر اعلیٰ نے کہا کہ نظم و ضبط اور تربیت ریاست کے سیکورٹی نظام کو مزید مضبوط کرے گی۔ پولیس فورس اور ہوم گارڈ کور ترقی یافتہ ہندوستان اور خوشحال بہار کے وژن کو پورا کرنے میں اہم کردار ادا کرتے ہیں۔ انہوں نے کہا کہ ترقی اور خوشحالی کے لیے محفوظ ماحول ضروری ہے اور تربیت یافتہ ہوم گارڈ اہلکار اس مقصد کے لیے اہم کردار ادا کر رہے ہیں۔

وزیر اعلیٰ نے بتایا کہ ہوم گارڈ اہلکاروں نے 2024 کے لوک سبھا انتخابات اور 2025 کے اسمبلی انتخابات کے دوران کامیابی کے ساتھ اپنی ذمہ داریاں نبھائیں۔ انہوں نے کہا کہ 2024 کے لوک سبھا انتخابات کے دوران تقریباً 1.10 لاکھ ہوم گارڈ اہلکاروں کو تعینات کیا گیا تھا، اور تقریباً 44,000 اہلکاروں نے 2025 کے اسمبلی انتخابات میں پرامن انتخابات کو یقینی بنانے میں اہم رول ادا کیا تھا۔وزیر اعلیٰ نے یہ بھی اعلان کیا کہ ریاستی حکومت نے ہوم گارڈ اہلکاروں کے یومیہ الاؤنس کو ₹774 سے بڑھا کر ₹1,121 کر دیا ہے جو کہ 3 ستمبر 2025 سے نافذ العمل ہے۔وزیر اعلیٰ نے کہا کہ بہار کے ایک کروڑ 30 لاکھ شہریوں کی حفاظت ریاستی حکومت کی اولین ترجیح ہے، اور امن و امان پر کوئی سمجھوتہ نہیں کیا جائے گا۔ ریاست میں مجرموں کی کوئی جگہ نہیں۔ انہوں نے یہ بھی کہا کہ طالبات اور خواتین کی حفاظت حکومت کی خصوصی ترجیح ہے۔وزیر اعلیٰ نے اعلان کیا کہ لڑکیوں کو محفوظ ماحول فراہم کرنے کے لیے سکولوں اور کالجوں کے ارد گرد 5000 پولیس دیدی (پولیس بہنیں) کو اسکوٹر اور موٹر سائیکلوں پر تعینات کیا جائے گا۔نائب وزیر اعلیٰ وجے کمار چودھری نے بھی تقریب سے خطاب کئے۔

ہندوستھان سماچار

ہندوستان سماچار / Mohammad Afzal Hassan