ویلنگٹن، 17 جون (ہ س)۔ نیوزی لینڈ کرکٹ بورڈ (این زیڈ سی) نے بدھ کو27-2026 کے سیزن کے لیے اپنے سینٹرل کنٹریکٹس کی فہرست کا اعلان کیا۔ اوپنر ڈیون کونوے کی فہرست میں واپسی ہوئی ہے جب کہ فاسٹ بولر بلیئر ٹکنر کو بھی دوبارہ سائن کیا گیا ہے۔ آدتیہ اشوک اور محمد عباس کو اس بار فہرست سے نکال دیا گیا ہے۔

ڈیون کونوے، جو گزشتہ دو برسوں سے دنیا بھر کی ٹی 20 لیگ میں مصروف ہیں، نیوزی لینڈ بورڈ کے ساتھ صرف ایک محدود معاہدے پروابستہ ہوئے ہیں۔ تاہم اب انہوں نے اگست 2026 سے جولائی 2027 تک قومی ٹیم کے لیے تمام بین الاقوامی میچوں کے لیے خود کو دستیاب کرا دیا ہے۔

نیوزی لینڈ کے ہیڈ کوچ روب والٹر نے کہا کہ کونوے طویل عرصے سے تینوں فارمیٹس میں ٹیم کے اہم رکن رہے ہیں اور ان کی واپسی ایسے وقت میں ہوئی ہے جب ٹیم کو اہم تبدیلیوں کا سامنا ہے۔ خاص طور پر کین ولیمسن کی حالیہ ریٹائرمنٹ کے بعد کونوے کے تجربے کو اہم سمجھا جاتا ہے۔

دریں اثنا، تیز گیندباز بلیئر ٹکنر نے ملکی اور بین الاقوامی سطح پر مسلسل متاثر کیا ہے۔ آئرلینڈ کے خلاف واحد ٹیسٹ میں ان کی پانچ وکٹیں بھی ان کے انتخاب کی بڑی وجہ رہی۔ گزشتہ سیزن میں سینٹرل کنٹریکٹ حاصل کرنے والے جیک فالک اور مچ ہیے نے بھی اپنی جگہ برقرار رکھی ہے۔ این زیڈسی نے یہ بھی واضح کیا کہ مائیکل بریسویل اور مارک چیپ مین نے ٹیسٹ کرکٹ کنٹریکٹ رینکنگ میں شامل نہ کرنے کی درخواست کی ہے۔ دونوں کھلاڑی اب صرف محدود اوورز کے ماہرین کے طور پر سینٹرل کنٹریکٹ کی فہرست میں رہیں گے۔

بورڈ نے کہا کہ آنے والے ہفتوں میں محدود معاہدوں کا اعلان بھی کیا جائے گا، جس میں فن ایلن، لوکی فرگوسن اور ٹم سیفرٹ جیسے کھلاڑی شامل ہو سکتے ہیں۔

نیوزی لینڈ کے سینٹرل کانٹریکٹ لسٹ (27-2026):

ٹام بلنڈل، مائیکل بریسویل، مارک چیپ مین، ڈیون کونوے، جیکب ڈفی، جیک فاکس، مچ ہیے، میٹ ہنری، کائل جیمیسن، ٹام لیتھم، ڈیرل مچل، ہنری نکولس، ول او رؤرک، گلین فلپس، راچن رویندرا، مچل سنٹنر، بین سیئرس ، ناتھن اسمتھ،بلیئر ٹکنر اور ول ینگ

ہندوستھان سماچار

---------------

ہندوستان سماچار / محمد شہزاد