جلگاؤں، 17 جون (ہ س)۔ جلگاؤں اور بھساول سمیت وسطی ریلوے کے مسافروں کے لیے راحت بھری خبر سامنے آئی ہے۔ مسافروں کی اضافی بھیڑ کو مدنظر وسطی ریلوے نے چھترپتی شیواجی مہاراج ٹرمینس (ممبئی) اور امراوتی کے درمیان خصوصی یک طرفہ ٹرین چلانے کا اہم فیصلہ کیا ہے۔ اس خصوصی ٹرین سے ناسک، خاندیش کے جلگاؤں اور بھساول کے علاوہ پورے ودربھ خطے کے مسافروں کو سفر میں بڑی سہولت حاصل ہوگی۔ریلوے انتظامیہ کی جانب سے جاری کردہ معلومات کے مطابق ٹرین نمبر 01155 خصوصی یک طرفہ ٹرین 18 اور 19 جون 2026 کو چھترپتی شیواجی مہاراج ٹرمینس (سی ایس ایم ٹی) سے رات 12:20 بجے روانہ ہوگی۔ یہ ٹرین اسی روز صبح 7:23 بجے جلگاؤں اور 8:05 بجے بھساول ریلوے اسٹیشن پہنچے گی، جبکہ دوپہر 12:30 بجے امراوتی پہنچنے کا شیڈول مقرر کیا گیا ہے۔ریلوے حکام کے مطابق مسافروں کی سہولت کے پیشِ نظر ٹرین کو نصف شب کے بعد روانہ کرنے کا فیصلہ کیا گیا ہے، جس سے طویل فاصلے کے مسافروں کو خاص فائدہ ہوگا اور انہیں متبادل سفری ذرائع پر انحصار کم کرنا پڑے گا۔ یہ خصوصی ٹرین دادر، تھانے، کلیان، ناسک روڈ، منماڈ، جلگاؤں، بھساول، ملکاپور، شیگاؤں، اکولہ، مرتی جاپور اور بدنیرہ ریلوے اسٹیشنوں پر توقف کرے گی۔ اس وجہ سے صرف امراوتی ہی نہیں بلکہ ودربھ کے دیگر اضلاع کے مسافروں کو بھی اس خصوصی سروس کا براہِ راست فائدہ حاصل ہوگا۔ریلوے انتظامیہ کا کہنا ہے کہ تعطیلات اور بڑھتی ہوئی سفری طلب کے دوران مسافروں کی سہولت کے لیے خصوصی ٹرینیں چلانے کا سلسلہ جاری رکھا جائے گا، تاکہ اہم روٹس پر بھیڑ کو کم کیا جا سکے اور مسافروں کو بہتر سفری سہولیات فراہم کی جا سکیں۔ہندوستھان سماچار

--------------------

ہندوستان سماچار / جاوید این اے