تیجس شرسے نے نیا قومی ریکارڈ قائم کیا، کامن ویلتھ گیمز کے لیے کوالیفائی کیا

لدھیانہ، 13 جون (ہ س)۔ ہندوستان کے ابھرتے ہوئے ایتھلیٹ تیجس شرسے نے ہفتہ کو پنجاب کے گرو نانک اسٹیڈیم میں منعقدہ ہندوستانی ایتھلیٹکس سیریز-9 میں مردوں کی 110 میٹر ہرڈل ریس (رکاوٹوں والی دوڑ) میں ایک نیا قومی ریکارڈ بنا کر تاریخ رقم کی۔ 24 سالہ تیجس نے 13.27 سیکنڈ میں ریس مکمل کی۔ انہوں نے اپنا ہی 13.41 سیکنڈ کا قومی ریکارڈ توڑ دیا، جو انہوں نے 2024 میں قائم کیا تھا۔

تیجس کی کارکردگی اس سیزن میں ایشیائی ایتھلیٹس کے درمیان مردوں کی 110 میٹر رکاوٹوں کی چھٹی تیز ترین بار بھی بن گئی۔ اس شاندار کارکردگی کے ساتھ تیجس نے اس سال ہونے والے کامن ویلتھ گیمز کے لیے بھی کوالیفائی کر لیا ہے۔

تیجس نے پہلے ہی ایشیائی کھیلوں میں جگہ حاصل کر لی ہے۔ انہوں نے گزشتہ ماہ چنئی کے جواہر لعل نہرو اسٹیڈیم میں منعقدہ ہندوستانی ایتھلیٹکس سیریز 6 میں طلائی تمغہ جیتا تھا۔مسلسل اچھی کارکردگی کا مظاہرہ کرنے والے تیجس شرسے کو اب ہندوستانی ایتھلیٹکس میں سب سے مضبوط دعویدار سمجھا جا رہا ہے اور آنے والے بڑے بین الاقوامی پلیٹ فارمز میں ان سے تمغوں کی امیدیں بڑھ گئی ہیں۔

ہندوستھان سماچار

---------------

ہندوستان سماچار / عبدالسلام صدیقی