نئی دہلی، 12 جون (ہ س) ۔

مرکزی وزیر داخلہ اورکو آپریٹیو امت شاہ نے سابق بین الاقوامی شوٹر اور کوچ جسپال رانا کے انتقال پر گہرے رنج و غم کا اظہار کیا ہے۔ انہوں نے کہا کہ جسپال رانا نے اپنے کھیل کیریئر اور کوچ کی حیثیت سے ملک کی شوٹنگ کو نئی بلندیوں تک پہنچانے میں اہم کردار ادا کیا اور ان کا جانا قوم کے لیے ناقابل تلافی نقصان ہے۔

جمعہ کو سوشل میڈیا پلیٹ فارم ایکس پر جاری اپنے تعزیتی پیغام میں امت شاہ نے کہا کہ جسپال رانا کے انتقال کی خبر گہرا دکھ پہنچانے والی ہے۔ رانا نے ملک کے لیے بے شمار بین الاقوامی اعزازات حاصل کیے اور اپنی قابلیت اور لگن کے ذریعے ہندوستانی شوٹنگ کو عالمی سطح پر پہچان دلائی۔

وزیر داخلہ نے کہا کہ جسپال رانا نے ایک ایتھلیٹ کے طور پر ہندوستان کا نام روشن کیا، ایک کوچ کے طور پر، انہوں نے نوجوان شوٹرز کو تربیت دے کر ملک کی نئی نسل کی پرورش میں اہم کردار ادا کیا۔ ان کی کوششوں نے ہندوستان کو شوٹنگ کے میدان میں ایک مضبوط اور مسابقتی قوت کے طور پر قائم کرنے میں کلیدی کردار ادا کیا۔

امت شاہ نے اپنے پیغام میں لکھا، مجھے ایتھلیٹ جسپال رانا کے انتقال سے بہت دکھ ہوا ہے۔ انہوں نے اپنی پوری زندگی ہندوستان کو شوٹنگ میں ایک ناقابل تسخیر قوت کے طور پر قائم کرنے کے لیے وقف کر دی ۔ملک کے لیے بین الاقوامی اعزازات جیت کر اور نوجوان شوٹرز کو تربیت دینے والے کوچ کے طور پر۔ رانا کا انتقال ملک کے لیے ایک ناقابل تلافی نقصان ہے۔

انہوں نے سوگوار خاندان اور جسپال رانا کے لاکھوں مداحوں سے دلی تعزیت کا اظہار کیا اور ان کی روح کی تسکین کیلئے دعا کی

ہندوستھان سماچار

ہندوستان سماچار / عطاءاللہ