نئی دہلی، 12 جون (ہ س)۔

دہلی کی راو¿ز ایونیو کورٹ نے این ای ای ٹی پیپر لیک معاملے کے ملزم یش یادو امتحان میں شرکت کے لئے داخل کردہ عبوری ضمانت کی عرضی پر اپنا فیصلہ موخر کر دیا ہے۔ خصوصی جج گورو راو¿ نے کہا کہ ملزم کو ابھی تک امتحان میں شرکت کے لیے ایڈمٹ کارڈ جاری نہیں کیا گیا ہے۔ عدالت نے عبوری ضمانت کی درخواست پر 16 جون کو سماعت کا حکم دیا۔

یش یادو نے امتحان اور اپنی بہن کی شادی میں شرکت کے لیے 15 دن کی عبوری ضمانت کی درخواست کی ہے۔ اس سے پہلے، 2 جون کو، عدالت نے یش یادو کو نیٹ کی تیاری کے لیے کتابیں فراہم کرنے کی اجازت دی تھی۔ یش یادو کی نمائندگی کرنے والی ایڈوکیٹ امبیکا نے کہا کہ انہیں نیٹ امتحان کی تیاری کرنے کی ضرورت ہے۔ وہ 3 مئی کونیٹ امتحان میں شامل ہوا تھا، جسے منسوخ کر دیا گیا ۔ 2 جون کو عدالت نے یش یادو کی عدالتی تحویل میں 15 جون تک توسیع کا حکم دیا تھا۔ یش یادو کے علاوہ عدالت نے مانگی لال بیول، وکاس بیول، دنیش بیول اور دھننجے لوکھنڈے کی عدالتی تحویل میں 15 جون تک توسیع کا حکم دیا تھا۔ بیول، دنیش بیول اور یش یادو سی بی آئی کی تحویل میں ہیں۔ 15 مئی کو عدالت نے دھننجے لوکھنڈے کو سی بی آئی کی تحویل میں بھیج دیا۔ اس معاملے میں اب تک 13 ملزمان کو گرفتار کیا گیا ہے۔

ہندوستھان سماچار

ہندوستان سماچار / عطاءاللہ