شیوپور، 12 جون (ہ س)۔

مدھیہ پردیش کے شیوپور ضلع میں واقع مشہور کونو نیشنل پارک میں چیتوں کی نگرانی اور ٹریکنگ کے لیے تعینات خصوصی طور پر تربیت یافتہ جرمن شیفرڈ ڈاگ کی موت ہو گئی ہے۔ کونو کے ڈی ایف او اور ڈپٹی ڈائریکٹر آر تھروکورل نے جمعہ کے روز اس کی تصدیق کی۔

انہوں نے بتایا کہ کونو کا یہ جرمن شیفرڈ کوئی عام ڈاگ نہیں تھا۔ جنگل میں چیتوں کی نقل و حرکت پر نظر رکھنے میں محکمۂ جنگلات کی مدد کرنا اس کی ذمہ داری تھی۔ ڈاگ کا کام چیتوں کی ٹریکنگ اور گشت کے ساتھ فاریسٹ عملے کی مدد کرنا تھا۔

بدھ کی شام کو کونو میں ٹریکنگ ڈاگ کی موت ہوئی ہے۔ موت کی واضح وجوہات ابھی سامنے نہیں آئی ہیں، لیکن چیتا مینجمنٹ کی ٹیم ابتدائی طور پر ہارٹ اٹیک کو موت کی وجہ مان رہی ہے، جبکہ مقامی سطح پر ڈاگ کے کسی گاڑی کی زد میں آنے سے موت ہونے کی بات کہی جا رہی ہے۔ کونو میں ڈاگ دیکھ بھال کے لیے دو ہینڈلر تعینات تھے۔ ایسے میں اس کی موت پر سوال کھڑے ہو رہے ہیں۔

کونو کے ڈپٹی ڈائریکٹر آر تھروکورل کا کہنا ہے کہ ڈاگ کی موت کے بعد جمعرات کو اس کا پوسٹ مارٹم کرایا گیا ہے۔ ابتدائی جانچ میں ہارٹ اٹیک کا اندیشہ ظاہر کیا جا رہا ہے۔ اس کی موت کی اصل وجہ کیا ہے، یہ پوسٹ مارٹم رپورٹ آنے کے بعد ہی پتہ چل سکے گا۔

ہندوستھان سماچار

---------------

ہندوستان سماچار / انظر حسن