شوبھندو نے ہوم، اراضی اور توانائی کا چارج سنبھالا، سوپن داس گپتا کو فائنانس، اگنی مترا کو شہری ترقی ملی

کولکاتا، 10 جون (ہ س)۔ نئی مغربی بنگال حکومت میں، وزیر اعلی شبھیندو ادھیکاری نے اپنے وزراءکی کونسل کے درمیان محکموں کی تقسیم کا اعلان کردیاہے۔ ریاستی حکومت کے محکمہ داخلہ اور پہاڑی امور کے ذریعہ جاری کردہ ایک نوٹیفکیشن کے مطابق، وزیر اعلیٰ نے کئی اہم قلمدان اپنے پاس رکھے ہیں، جب کہ کابینہ کے وزراء، آزادانہ چارج کے ساتھ وزرائے مملکت اور وزرائے مملکت کو مختلف ذمہ داریاں سونپی گئی ہیں۔ محکموں کی تقسیم کے بعد نئی حکومت کا انتظامی ڈھانچہ مکمل طور پر فعال ہو گیا ہے۔

وزیر اعلی شبھیندو ادھیکاری نے ان تمام محکموں بشمول داخلہ اور پہاڑی امور کے محکمے، اراضی اور زمینی اصلاحات اور پناہ گزینوں کی امداد اور بازآبادکاری، بجلی، اطلاعات و ثقافت اور عملہ اور انتظامی اصلاحات کو اپنے رکھا ہے جو کسی دوسرے وزیر کو مختص نہیں کیے گئے ہیں۔ اس سے صاف ظاہر ہوتا ہے کہ وزیر اعلیٰ کی حکومت کی داخلی سلامتی، انتظامی کنٹرول اور زمینی پالیسیوں پر براہ راست نگرانی ہوگی۔

نسیت پرمانک کو شمالی بنگال ڈیولپمنٹ ڈیپارٹمنٹ اور آبی وسائل کی تحقیقات اور ترقی کے محکمے کا چارج دیا گیا ہے۔ اشوک کیرتنیا کو فوڈ اینڈ سپلائی ڈپارٹمنٹ اور کوآپریٹیو ڈپارٹمنٹ کی ذمہ داری دی گئی ہے۔ دلیپ گھوش کو محکمہ پنچایت اور دیہی ترقیات اور زرعی مارکیٹنگ محکمہ کا وزیر بنایا گیا ہے۔ خودی رام ٹوڈو کو محکمہ قبائلی ترقی، محکمہ اقلیتی امور اور محکمہ مدرسہ تعلیم کی ذمہ داری دی گئی ہے۔ اگنی مترا پال کو شہری ترقیات اور میونسپل امور کے محکمے کی ذمہ داری دی گئی ہے۔

اس دوران دیپک برمن کو محکمہ اسکول ایجوکیشن، ہاو¿سنگ ڈیپارٹمنٹ، مائیکرو، اسمال اینڈ میڈیم انٹرپرائزز اور ٹیکسٹائل ڈیپارٹمنٹ کا چارج دیا گیا ہے۔ تاپس رائے کو صنعت، کامرس اور انٹرپرائز ڈپارٹمنٹ، پبلک انٹرپرائزز اینڈ انڈسٹریل ری کنسٹرکشن ڈپارٹمنٹ اور غیر روایتی اور قابل تجدید توانائی کے ذرائع کے محکمے کی ذمہ داری دی گئی ہے۔ ڈاکٹر شنکر گھوش کو پارلیمانی امور کا محکمہ اور سیاحت کا محکمہ دیا گیا ہے۔ منوج کمار اوراوں کو محکمہ جنگلات اور ماحولیات کا وزیر بنایا گیا ہے۔

اس کے علاوہ ارجن سنگھ کو لیبر ڈیپارٹمنٹ اور ٹرانسپورٹ ڈیپارٹمنٹ کی ذمہ داری دی گئی ہے۔ گوری شنکر گھوش کو پسماندہ طبقات کی بہبود کے محکمے اور پبلک ایجوکیشن ایکسٹینشن اینڈ لائبریری سروسز ڈیپارٹمنٹ کا چارج دیا گیا ہے۔ جگن ناتھ چٹوپادھیائے کو ہائر ایجوکیشن اینڈ ٹیکنیکل ایجوکیشن ڈیپارٹمنٹ، ٹریننگ اور اسکل ڈیولپمنٹ ڈیپارٹمنٹ کی ذمہ داری دی گئی ہے۔ سوپن داس گپتا کو حکومت کا سب سے اہم اقتصادی محکمہ ریاست کا محکمہ خزانہ دیا گیا ہے۔ ڈاکٹر کلیان چکرورتی کو انفارمیشن ٹکنالوجی اور الیکٹرانکس ڈیپارٹمنٹ، سائنس اینڈ ٹیکنالوجی اور بائیو ٹیکنالوجی ڈیپارٹمنٹ اور فوڈ پروسیسنگ انڈسٹریز اینڈ ہارٹیکلچر ڈیپارٹمنٹ کی ذمہ داری دی گئی ہے۔ ڈاکٹر شردوت مکھرجی کو محکمہ صحت اور خاندانی بہبود کا چارج دیا گیا ہے۔ اروپ کمار داس کو محکمہ آبپاشی اور آبی گزرگاہ کی ذمہ داری دی گئی ہے۔ ڈاکٹر اجے کمار پودار کو پبلک ہیلتھ انجینئرنگ ڈیپارٹمنٹ اور پبلک ورکس ڈیپارٹمنٹ کا وزیر بنایا گیا ہے۔ دودھ کمار منڈل کو محکمہ زراعت دیا گیا ہے۔

شبھیندو حکومت میں تین وزرائے مملکت کو آزادانہ چارج دیا گیا ہے۔ مالتی راوا رائے کو خواتین اور اطفال کی ترقی اور سماجی بہبود کے محکمے، سیلف ہیلپ گروپس اور سیلف ایمپلائمنٹ ڈپارٹمنٹ اور پروگرام مانیٹرنگ ڈیپارٹمنٹ کا آزادانہ چارج دیا گیا ہے۔ راجیش مہتا کو حیوانات کے وسائل کی ترقی کے محکمے اور ماہی پروری کے محکمے کی ذمہ داری دی گئی ہے۔ ڈاکٹر اندرنیل خان کو یوتھ ویلفیئر اینڈ اسپورٹس ڈپارٹمنٹ اور کنزیومر افیئر ڈپارٹمنٹ کا آزادانہ چارج دیا گیا ہے۔

شبھیندو حکومت میں انیس ایم ایل اے کو ریاستی وزیر بنایا گیا ہے۔ جوئیل مرمو کو قبائلی ترقی کے محکمے اور آبپاشی اور آبی گزرگاہوں کے محکمے کا وزیر مملکت مقرر کیا گیا ہے۔ ڈاکٹر ہرے کرشنا بیرا کو اعلیٰ تعلیم اور تکنیکی تعلیم، تربیت اور ہنرمندی کی ترقی کے محکموں کا وزیر مملکت مقرر کیا گیا ہے۔ آنندموئے برمن کو محکمہ ٹرانسپورٹ اور محکمہ خزانہ کا وزیر مملکت مقرر کیا گیا ہے۔ اشوک ڈنڈا کو زرعی مارکیٹنگ ڈپارٹمنٹ، مائیکرو،ا سمال اینڈ میڈیم انٹرپرائزز اور ٹیکسٹائل ڈیپارٹمنٹ کا وزیر مملکت مقرر کیا گیا ہے۔ چاند بوری کو محکمہ تعمیرات عامہ اور پسماندہ طبقات کی بہبود کے محکمے کا وزیر مملکت مقرر کیا گیا ہے۔ بشال لامہ کو محکمہ داخلہ اور پہاڑی امور، اقلیتی امور اور مدرسہ تعلیم کے محکموں کا وزیر مملکت مقرر کیا گیا ہے۔ شانتنو پرمانک کو خوراک اور فراہمی کے محکمے اور پنچایت اور دیہی ترقی کے محکمے کا وزیر مملکت مقرر کیا گیا ہے۔ ممتا بسواس مشرا کو صنعت، کامرس اور انٹرپرائز ڈپارٹمنٹ اور سائنس اینڈ ٹکنالوجی اور بایو ٹکنالوجی محکمہ کا وزیر مملکت مقرر کیا گیا ہے۔

اس کے علاوہ، امیش رائے کو پارلیمانی امور اور شہری ترقیات اور میونسپل امور کے محکمے کا وزیر مملکت مقرر کیا گیا ہے۔ پورنیما چکرورتی کو محکمہ اطلاعات و ثقافت اور محکمہ سیاحت کا وزیر مملکت مقرر کیا گیا ہے۔ کوشک چودھری کو محکمہ اسکول ایجوکیشن اور فائر اینڈ ایمرجنسی سروسز کے محکمے کا وزیر مملکت مقرر کیا گیا ہے۔ بھاسکر بھٹاچاریہ کو محکمہ صحت عامہ انجینئرنگ اور محکمہ محنت کا وزیر مملکت مقرر کیا گیا ہے۔ دیباکر گھرامی کو محکمہ کوآپریٹو، جنگلات اور ماحولیات کا وزیر مملکت مقرر کیا گیا ہے۔ امیہ کسکو کو فوڈ پروسیسنگ انڈسٹریز اور باغبانی اور محکمہ زراعت کا وزیر مملکت مقرر کیا گیا ہے۔ کلیتا ماجھی کو محکمہ ہاو¿سنگ کا وزیر مملکت مقرر کیا گیا ہے۔ گارگی داس گھوش کو بجلی کے محکمے اور غیر روایتی اور قابل تجدید توانائی کے ذرائع کے محکمے کا وزیر مملکت مقرر کیا گیا ہے۔

وہیں، ایڈوکیٹ بیراج بسواس کو محکمہ قانون، عدالتی محکمہ اور شمالی بنگال کے ترقیاتی محکمہ کی ذمہ داری دی گئی ہے۔ دیپانکر جانا کو سندربن امور کے محکمے کے ساتھ ساتھ اراضی اور زمینی اصلاحات اور پناہ گزینوں کی امداد اور بازآبادکاری کا وزیر مملکت مقرر کیا گیا ہے۔ سمنا سرکار کو صحت اور خاندانی بہبود کے محکمے کی وزیر مملکت کی ذمہ داری دی گئی ہے۔

---------------

ہندوستان سماچار / عبدالسلام صدیقی